18-31 قازان ارالىعىندا «Taiburyl» قب تسيفرلىق پلاتفورماسىندا مۇگەدەك بالالاردى تاربيەلەپ وتىرعان وتباسىلاردان شىققان ستۋدەنتتەر ءۇشىن قوسىمشا بايقاۋ جاريالانادى.
«قازاقستان حالقىنا» قورىنان ءبىلىم بەرۋ گرانتىنا بارلىق ۇمىتكەرلەر راستايتىن قۇجاتتاردى ۇسىنىپ, تومەندە كورسەتىلگەن تالاپتارعا ساي بولۋى ءتيىس:
1. قازاقستان رەسپۋبليكاسىنىڭ ازاماتتىعى;
2. «قازاقستان حالقىنا» قق جانە «Taiburyl» قب لاۋازىمدى تۇلعالارىمەن جانە قىزمەتكەرلەرىمەن, سونداي-اق كوميسسيا مۇشەلەرىمەن ۇلەستەس بولماۋى;
3. بايقاۋعا باكالاۆريات باعدارلامالارى بويىنشا كۇندىزگى بولىمدە وقيتىن جانە مۇگەدەك بالالاردى تاربيەلەپ وتىرعان وتباسىلار قاتارىنان شىققان ستۋدەنتتەر قاتىسا الادى.
كونكۋرسقا قاتىسۋ ءۇشىن «Taiburyl» پلاتفورماسىندا ونلاين-وتىنىمگە كەلەسى قۇجاتتاردى تىركەۋ قاجەت:
1. ۇمىتكەردىڭ جەكە كۋالىگىنىڭ ءتۇرلى ءتۇستى كوشىرمەسى;
2. ۇلگەرىمى تۋرالى مالىمەتتەردى قوسا العاندا, وقۋ ورنىنان انىقتاما (ترانسكريپت);
3. ۇبت سەرتيفيكاتى;
4. ورتا مەكتەپتى ءبىتىرۋ تۋرالى كۋالىكتىڭ كوشىرمەسى/كوللەدج ديپلومى (ۇمىتكەردىڭ اۋىلدىق جەردە ەكەنىن راستايدى);
5. اتا-انانىڭ/زاڭدى قامقورشىنىڭ جەكە كۋالىگىنىڭ ءتۇرلى-ءتۇستى كوشىرمەسى;
6. ۇمىتكەردىڭ اتا-اناسىنىڭ نەكە تۋرالى كۋالىگىنىڭ كوشىرمەسى;
7. ۇمىتكەردىڭ ەكى اتا-اناسىنىڭ سوڭعى التى ايداعى زەينەتاقى اۋدارىمدارى تۋرالى انىقتاماسى;
8. ۇمىتكەردىڭ تۋعان (اتا-اناسى ءبىر) باۋىرلارىنىڭ مۇگەدەكتىگىن راستاۋ تۋرالى انىقتاما (تەك EGOV سايتىنان انىقتامالار قارالادى);
9. ۇمىتكەردىڭ تۋ تۋرالى كۋالىگىنىڭ كوشىرمەسى;
10. ۇمىتكەردىڭ قانداس باۋىرلارىنىڭ تۋ تۋرالى كۋالىگىنىڭ كوشىرمەسى;
11. موتيۆاتسيالىق حات (250 سوزدەن كەم ەمەس):
- ءوزى جانە وتباسى تۋرالى اقپارات;
- قىزىعۋشىلىقتارى مەن حوببيلەرى مەن جەتىستىكتەرى;
- وقۋ اقىسىن تولەۋگە قارجىلىق كومەك قاجەتتىلىگىنىڭ سەبەپتەرى تۋرالى اقپارات;
- نەلىكتەن مەن ءبىلىم الۋ ءۇشىن وسى ماماندىقتى تاڭدادىم.
12. ۇمىتكەردىڭ ءومىربايانى (كەمىندە 100 ءسوز).
بۇل رەتتە, ەگەر ۇمىتكەرلەر سانى گرانت سانىنان اسىپ كەتسە, «قازاقستان حالقىنا» قق-دان ءبىلىم بەرۋ گرانتتارىن تاعايىنداۋ بويىنشا بايقاۋ وتكىزۋ كەزىندە كەلەسى كەزەكتەگىلەر باسىم قۇقىققا يە بولادى:
1. وتباسىندا 1, 2, 3 توپ مۇگەدەكتىگى بار جاسىنا قاراماستان تۋعان (اتا-اناسى ءبىر) اعالارى, باۋىرلارى/اپكە-سىڭلىلەرى, قارىنداستارى بار اۋىلدىق جەرلەردەن ۇمىتكەرلەر (باكالاۆريات باعدارلامالارى بويىنشا ستۋدەنتتەر);
2. وتباسىندا 1, 2, 3 توپ مۇگەدەكتىگى بار 18 جاسقا دەيىنگى تۋعان (اتا-اناسى ءبىر) اعالارى, باۋىرلارى/اپكە-سىڭلىلەرى,قارىنداستارى بار ۇمىتكەر (باكالاۆريات باعدارلامالارى بويىنشا ستۋدەنتتەر;)
3. وتباسىندا 1, 2, 3 توپ مۇگەدەكتىگى بار 18 جاستان اسقان تۋىستارى (اتا-اناسى ءبىر) اعالارى, باۋىرلارى/اپكە-سىڭلىلەرى,قارىنداستارى بار ۇمىتكەرلەر (باكالاۆريات باعدارلامالارى بويىنشا ستۋدەنتتەر).
ونلاين-وتىنىمدەردى قابىلداۋ مەرزىمى «Taiburyl» قب سايتىندا 2022 جىلدىڭ 18-31 قازاندى قوسا العانداعى ارالىقتا وتەدى, مودۋل ساعات 00:00-گە دەيىن اشىق بولادى.
