رەسەي قورعانىس مينيسترلىگىنىڭ مالىمەتىنشە, سۋ-34 وڭتۇستىك اسكەري وكرۋگىنىڭ اسكەري اەرودرومىنان وقۋ-جاتتىعۋ تاپسىرمالارىن ورىنداۋ ءۇشىن اۋەگە كوتەرىلگەن.
ۆەدومستۆو تاراتقان اقپاراتتا ۇشاقتىڭ قوزعالتقىشى ىستەن شىققانى جايلى ايتىلعان. توتەنشە جاعداي سالدارىنان عيمارات ورتكە ورانعان.
«ۇشاق اپاتى سالدارىنان توعىز قاباتتى ءۇي وتقا وراندى. ءورت بىردەن بىرنەشە قاباتتى شارپىعان. 17 پاتەر زاقىمداندى», دەدى كراسنودار ولكەسىنىڭ گۋبەرناتورى ۆەنيامين كوندراتەۆ.
ەيسكىدە توتەنشە جاعداي سالدارىنان 19 ادام زارداپ شەكتى, ءۇش ادام قازا تاپتى. بۇل تۋرالى دەرەك كراسنودارداعى جەدەل شتابتىڭ Telegram-كانالىندا جاريالانعان.
