جاڭا تسەحتا جەرگىلىكتى ءۇش ادام جۇمىسپەن قامتىلعان. الداعى ۋاقىتتا ولاردىڭ قاتارى تولىعا تۇسەدى.
– قىسىم ولشەيتىن قۇرالدى قولدانبايتىن سالا جوق دەۋگە بولادى. قۇبىر ارقىلى وندىرىلەتىن سۋ, ماي, تاماق, مۇناي, ءدارى-دارمەك وندىرىسىندە وسىنداي قۇرال قولدانىلادى. ماسەلەن تاماق وندىرىسىندە, قۇبىر ارقىلى وتەتىن سۇيىق مايدىڭ قىسىمىن وپەراتورلار ءدال پروتسەسس كەزىندە باقىلاۋى كەرەك. سول جۇمىس وسى داتچيك ارقىلى جۇزەگە اسىرىلادى. بۇل داتچيكتى جاساۋ قۇرىلىمى 13 كومپيۋتەردەن ءوتىپ, سوڭعى نۇسقا تەكسەرىسكە جىبەرىلەدى, – دەيدى تسەح مامانى بەرىك جۇماعاليەۆ.
جاڭا تسەحتىڭ ونىمىنە مۇناي سالاسىنان ءبىر كومپانيادان تاپسىرىس ءتۇسىپتى. بولاشاقتا تاپسىرىس بەرەتىن تۇتىنۋشىلار قاتارىن كوبەيتۋ كوزدەلىپ وتىر. ەكسپورتقا دا شىعارۋ جوسپارلانعان.
اتىراۋ وبلىسى
