جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى شۋ اۋدانىنىڭ بەس تۇرعىنىنان تۇراتىن قىلمىستىق توپتىڭ قىزمەتىن توقتاتتى. وسى جىلدىڭ مامىر ايىنىڭ باسىنان باستاپ ۇقت ەلىمىزدىڭ باسقا ايماقتارىنا وسىمدىك تەكتەس ەسىرتكى قۇرالدارىن (ماريحۋانا, گاشيش) دايىنداۋمەن, تاسىمالداۋمەن جانە وتكىزۋمەن اينالىستى.
14 قازاندا جەدەل-ىزدەستىرۋ ءىس-شارالارى كەشەنىن وتكىزگەننەن كەيىن ۇيىمداسقان قىلمىستىق توپتىڭ بارلىق قاتىسۋشىلارىن ءبىر مەزگىلدە ۇستاۋ جۇزەگە اسىرىلدى, سونداي-اق ءتىنتۋ بارىسىندا جالپى سالماعى 100 كەلىدەن استام ەسىرتكىنىڭ ءىرى پارتياسى, اقسۋ اۆتوماتى جانە 5,45 مم كاليبرلى 30-دان استام پاترون تاركىلەندى.
قىلمىستىق توپ مۇشەلەرىنە قاتىستى قر قك 297-بابىنىڭ ءۇشىنشى بولىگى «ەسىرتكى قۇرالدارىن, پسيحوتروپتىق زاتتاردى, ولاردىڭ انالوگتارىن وتكىزۋ, جونەلتۋ نەمەسە وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ», قر قك 296-بابىنىڭ ءتورتىنشى بولىگى «ەسىرتكى قۇرالدارىمەن, پسيحوتروپتىق زاتتارمەن, ولاردىڭ زاتتارىمەن زاڭسىز جۇمىس ىستەۋ», سونداي-اق قر قك 287-بابى «قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەپ-تەكسەرۋ باستالدى.
قازىرگى ۋاقىتتا ۇستالعانداردىڭ بارلىعى قر قپك-ءنىڭ 128-بابىنا سايكەس ۋاقىتشا ۇستاۋ يزولياتورىنا قامالدى.
سونىمەن قاتار 16 قازاندا جامبىل وبلىسى پد قىزمەتكەرلەرى وبلىس ورتالىعىنىڭ اۋماعىندا كالاشنيكوۆ اۆتوماتى, توز-63 قوس ۇڭعىلى اڭشىلىق مىلتىعى, يج-58 كاليبرلى 16 ۇڭعىلى مىلتىقتىڭ كەسىندىسى جانە 5.45 كاليبرلى 90-نان استام پاترون تاپتى. سوت-بالليستيكالىق ساراپتاما تاعايىندالدى.
جىل باسىنان بەرى جامبىل وبلىسىندا زاڭسىز اينالىمنان 605 اتىس قارۋى تاركىلەندى, ونىڭ ىشىندە 376-ءى ءىىو وبەكتىلەرىنەن ۇرلانعان, تاعى 229-ى وزگە قىلمىستىق قارۋعا جاتادى.
