دەمونسترانتتار جالاقى مەن الەۋمەتتىك تولەمدەردى كوتەرۋ, ەلەكتر قۋاتى باعاسىن تۇراقتاندىرۋ, ۇستەمە پايداعا سالىق سالۋ, ەكولوگيالىق جوبالارعا ينۆەستيتسيا قۇيۋ سىندى بىرقاتار ماسەلەنى كوتەردى. بۇدان بولەك, نارازى جۇرت ەلدەگى ەنەرگەتيكالىق داعدارىسقا قاتىستى شاعىمدارىن ايتىپ, ۇكىمەتتى شارا قابىلداۋعا شاقىردى.
ء«بىز فرانتسۋزداردى كەدەيلىكتەن قۇتقارۋ ءۇشىن وسىندامىز. ماكرون ءبىزدىڭ ەلدى جويۋعا تىرىسۋدا. ول بارلىق قوعامدىق يگىلىكتەردى قۇردىمعا جىبەرۋدە. قاراشا ايىنان باستاپ بارلىق جانارماي, بەنزين مەن ديزەل وتىنىنىڭ باعاسى ءۇش ەۋرودان اساتىنىن ءبىلىپ وتىرمىز, سوندىقتان قازىردەن ارەكەت ەتۋ كەرەك. ايتپەسە بيىل قىستا ىشەرگە اس تاپپاي قالارمىز», دەدى شەرۋگە قاتىسقان «سارى جيلەتتەر» قوزعالىسىنىڭ مۇشەسى.
العاشىندا بەيبىت وتكەن شەرۋ ارانداتۋشىلار سالدارىنان قاقتىعىس الاڭىنا اينالعان. سول سەبەپتى پوليتسيا كوزدەن جاس اعىزاتىن گاز قولدانۋعا ءماجبۇر بولعان.
