ديىرمەن كەشەنى ۇننىڭ العاشقى لەگىن جەرگىلىكتى ناۋبايحانالار مەن دۇكەندەرگە جەتكىزىپ بەردى. ازىرگە كاسىپورىن تولىق قۋاتىنا كوشكەن جوق. تاۋلىگىنە 15 توننا ۇن شىعارۋدا. از ۋاقىتتان سوڭ قارقىن الماق. ۇن ساپاسى جاقسى. وعان سەبەپ, قاجەتتى جابدىقتاردىڭ بۇگىنگى تالاپقا تولىق جاۋاپ بەرەتىنىندە. رەسەيدەن اكەلىنگەن جابدىقتار مامانداردىڭ باعالاۋىنا قاراعاندا ۇزاق ۋاقىت قىزمەت ەتۋگە جارايدى. جارتىلاي اۆتوماتتاندىرىلعان ديىرمەندە ءتورت جاڭا جۇمىس ورنى اشىلدى.
– ءبىز تىكەلەي ۇزاقتاۋ ءادىسىن قولدانىپ, جوعارى جانە ءبىرىنشى سۇرىپتى ۇن شىعارامىز. شيكىزاتتان تۋىندايتىن ماسەلە جوق. بيىل وڭىردە استىق جاقسى شىقتى, – دەيدى كاسىپورىن ديرەكتورىنىڭ ورىنباسارى يگور حۋنزاريا.
وڭىردەگى اۋىل شارۋاشىلىعى ونىمدەرىن وندىرۋمەن بىرگە وڭدەۋگە دە مەيلىنشە نازار اۋدارىلىپ وتىرعانىن ايتا كەتەلىك. اقمولا وبلىسىندا ۇن تارتۋمەن 37 كاسىپورىن اينالىسادى. بارلىعى جىلىنا 800 مىڭ تونناعا جۋىق ۇن دايىندايدى. بيىل سۇرانىسقا وراي ءوندىرىس كولەمى ءبىر جارىم ەسەگە ارتتى.
– قازىر ءبىرىنشى كەزەكتە ورتالىق ازيا ەلدەرى مەن ەلىمىزدىڭ وڭتۇستىك ءوڭىرىن ۇنمەن قامتاماسىز ەتىپ وتىرمىز دەسەك تە بولادى. وزبەكستان, تاجىكستان, اۋعانستان تاراپىنان ءبىزدىڭ وڭىردە دايىندالاتىن ساپالى ۇنعا سۇرانىس مول, – دەيدى وبلىستىق اۋىل شارۋاشىلىعى جانە جەر قاتىناستارى باسقارماسى باسشىسىنىڭ ورىنباسارى قاسىم يتقۇسوۆ, – ازىق-ت ۇلىك بەلدەۋىندە بولعاندىقتان استانا قالاسىنا ءونىم جەتكىزۋ ءتيىمدى.
استىقتى وڭىردە جەرگىلىكتى ءونىمدى وڭدەپ, ۇقساتىپ پايدالانۋعا باسىمدىق بەرىلىپ وتىر. اس اتاسىن مولايتساق, ەلدىڭ داستارقانى دا جۇدەمەيدى.
اقمولا وبلىسى,
جاقسى اۋدانى
