ەستەرىڭىزگە سالا كەتەيىك, ازياداعى قاۋىپسىزدىك بويىنشا ايماقتىق ديالوگ الاڭىن قۇرۋ باستاماسى قازاقستانعا تيەسىلى. بۇل ۇسىنىستى العاش رەت ەلىمىز ەگەمەن مەملەكەت رەتىندە 1992 جىلى بۇۇ باس اسسامبلەياسىندا جاريالادى. قازاقستاننىڭ ءوز ازيالىق تۇعىرناماسىن قۇرۋ باستاماسى كەڭ ءورىس الدى. وتىز جىل ىشىندە اوسشك الەمدىك قولداۋمەن پارمەندى ءارى ءتيىمدى حالىقارالىق الاڭعا اينالدى.
استانا ءسامميتىنىڭ توراعاسى قاسىم-جومارت توقاەۆ اوسشك جۇمىسىنىڭ ماڭىزدى باعىتتارىن اتاپ ءوتتى. بۇل – ەكونوميكالىق جانە قارجىلىق قاتىناستاردىڭ تۇراقتى جۇيەسىن قۇرۋ, كليماتتىق كۇن ءتارتىبى, ازىق-ت ۇلىك قاۋىپسىزدىگى جانە گۋمانيتارلىق ولشەم.
قازىرگى الەمدىك ۇدەرىستەردە قارقىندى دامىپ كەلە جاتقان ازيا وڭىرلەرى مەن مەملەكەتتەرى ەرەكشە ورىن الا باستادى. ازيا ەلدەرى ازيانىڭ جاھاندىق پروتسەسكە قانداي ەكونوميكالىق ۇلەس قوساتىنىنا سايكەس حالىقارالىق قاتىناستاردىڭ جاڭا جانە تەڭ قۇقىلى جۇيەسىنە دەگەن ەرىك-جىگەرىن تۇراقتى تۇردە كورسەتىپ كەلەدى.
ازيا ەلدەرىنىڭ جيىنتىق ەكونوميكالىق ءوسۋى وراسان زور. ءوندىرىستى ءارتاراپتاندىرۋ, تسيفرلىق تەحنولوگيالار جانە بەلسەندى الەۋمەتتىك-ەكونوميكالىق بايلانىستار بىرقاتار مۇمكىندىك تۋعىزادى جانە ازيانىڭ زاماناۋي كەلبەتىن قالىپتاستىرادى. قازىر مودەرنيزاتسيانىڭ ازيالىق مودەلى ءححى عاسىردىڭ كەلبەتىن انىقتاي باستادى. ازيانىڭ ەكونوميكالىق جانە مادەني ورلەۋىمەن كونتينەنتتىك قاۋىپسىزدىكتىڭ جاڭا پاراديگماسى وزەكتى بولدى. استانا كەڭەسى وسىنداي ماقسات قويىپ وتىر.
سىندارلى حالىقارالىق قاتىناستاردى قۇرۋ قاجەتتىلىگى ەكونوميكالىق, قارجىلىق, وندىرىستىك, كولىك-لوگيستيكالىق جانە اقپاراتتىق جۇيەلەردى ينتەرناتسيونالداندىرۋ پروتسەسىندە وسۋدە. ءىس-شاراعا قاتىسۋشىلاردىڭ بارلىعى سەنىمدىلىكتى نىعايتۋدىڭ جالپى شارالارىنا جاردەمدەسۋ نيەتتەرىن راستاپ وتىر. قازاقستان بۇل تۇرعىدا جالپى تۇراقتى قاۋىپسىزدىك جۇيەسىن قالىپتاستىرۋعا جاردەمدەسۋ جونىندەگى ساياساتقا ادال بولىپ قالا بەرەدى.
بولات اۋەلباەۆ,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس ساراپشىسى
