مەملەكەت باسشىسى تمد-دا كۇش جانە قۇقىق قورعاۋ ورگاندارىنىڭ ءوزارا ءىس-قيمىلىنىڭ تەڭگەرىمدى جۇيەسى قۇرىلعانىن, قاۋىپسىزدىك سالاسىنداعى تۇجىرىمدامالىق قۇجاتتار قابىلدانعانىن اتاپ ءوتتى.
«سونىمەن قاتار ءبىز جاڭا تاۋەكەلدەر مەن قاۋىپتەرگە دەن قويۋ ءۇشىن الدىن الۋ شارالارىن جەدەل ازىرلەۋىمىز قاجەت. قازاقستان تمد مەملەكەتتەرىنىڭ تەرروريزم مەن ەكسترەميزمگە قارسى كۇرەستەگى ىنتىماقتاستىقتىڭ ۇيىمدىق-قۇقىقتىق تەتىكتەرىن جەتىلدىرۋ جونىندەگى بىرلەسكەن تاسىلدەرىمەن بولىسەدى. ءبىز بۇگىن قابىلدانىپ جاتقان ەكسترەميزمگە قارسى كۇرەس باعدارلاماسىنىڭ مىندەتتەرىن ىسكە اسىرۋ بويىنشا تىعىز ۇيلەستىرىلگەن جۇمىسقا دايىن ەكەنىمىزدى بىلدىرەمىز», دەدى قاسىم-جومارت توقاەۆ تمد مەملەكەتتەرى باسشىلارى كەڭەسىنىڭ وتىرىسىندا.
ايتا كەتسەك, بۇگىن استانادا قر پرەزيدەنتى قاسىم-جومارت توقاەۆتىڭ باسشىلىعىمەن ەلىمىزدىڭ تاۋەلسىز مەملەكەتتەر دوستاستىعىنداعى اعىمداعى توراعالىعى اياسىندا تمد مەملەكەتتەرى باسشىلارى كەڭەسىنىڭ وتىرىسى وتۋدە.
