بيىل قاڭتار-تامىز ايلارىندا قوڭىر كومىر مەن كومىر كونتسەنتراتىن قوسقاندا كومىر ءوندىرۋ كولەمى 76,5 ملن توننانى قۇراعان, بۇل وتكەن جىلمەن سالىستىرعاندا 6,5%-عا ارتىق. ونداعى 70,6 ميلليون توننا - تاس كومىر, 3,1 ميلليون توننا - قوڭىر كومىرگە جانە 2,7 ميلليون توننا - كومىر كونتسەنتراتىنا تيەسىلى.
جالپى العاندا قازاقستاندا كومىر ءوندىرىسىنىڭ ۇشتەن ءبىرى ەكسپورتتالادى. ماتەريالدا كورسەتىلگەن دەرەكتەر بويىنشا ەكسپورت 20,9 ملن توننانى قۇرايدى, وتكەن جىلمەن سالىستىرعاندا 16,3%-عا وسكەن.
ەندى قازاقستانداعى باعالارعا ورالساق, قىركۇيەك ايىنىڭ قورىتىندىسى بويىنشا كومىر ايىنا 3%-عا جانە جىلىنا 11%-عا قىمباتتاعان. سايكەسىنشە, 1 توننا كومىردىڭ ورتاشا باعاسى ءبىر جىلدا 13,7 مىڭنان 15 مىڭعا كوتەرىلگەن.
ەڭ قىمبات كومىر تاراز بەن ورالدا - تونناسىنا 19,5 مىڭ تەڭگەنى قۇرايدى. سونداي-اق جوعارعى باعا ەسەبىنە جەزقازعان (16,4 مىڭ), الماتى (16,2 مىڭ), تالدىقورعان (16 مىڭ) قالالارى دا كىرىپ وتىر.
