ەلدەگى ازاماتتاردىڭ جاعدايىن ءبىرشاما جەڭىلدەتە تۇسەتىن باستاماعا «اۋىل – ەل بەسىگى» اياسىندا 795 ملن, ال «جۇمىسپەن قامتۋ جول كارتاسى» باعدارلاماسى شەڭبەرىندە 257 ملن تەڭگە قارالعان.
جىل باسىنان بەرى قازالى قالاسى, شيەلى اۋدانىنىڭ العاباس, اقمايا ەلدى مەكەندەرىن گازداندىرۋ مەن تەرەڭوزەك كەنتىندەگى كەيبىر كوشەلەرگە گاز قۇبىرىن تارتۋ اياقتالىپ, پايدالانۋعا بەرىلدى. جازدان بەرى قارماقشى اۋدانىنداعى تورەتام كەنتى مەن اقاي اۋىلىن, ارال اۋدانىنداعى سەكسەۋىل كەنتىن گازداندىرۋ جانە شيەلى اۋدانىنداعى تارتوعاي ەلدى مەكەنىندە اگتس ورناتۋ قولعا الىنعان.
قىزىلوردا قالاسىنا قاراستى ناۋرىز جانە ماحامبەت ەلدى مەكەندەرىندە 2021 جىلى باستالعان گازداندىرۋ جوباسى كەلەر جىلى اياقتالادى. قازىر كوشەلەرگە قۇبىرلار تارتىلىپ, اۋىل حالقى گاز جاعاتىن كۇندى اسىعا كۇتىپ ءجۇر.
ايماق باسشىسىنىڭ تاپسىرماسىمەن 2022-2025 جىلدار ارالىعىندا 42 اۋىل كوگىلدىر وتىنعا قوسىلۋى كەرەك. جالپى, وسى جىلى ءوڭىردى گازداندىرۋ كورسەتكىشىن 68%-عا جەتكىزۋ جوسپارلانىپ وتىر.
