«كۋۆەيتتىڭ ءبىزدىڭ فورۋمعا مۇشە مەملەكەت رەتىندە اوسشك-گە قوسىلۋى تۋرالى شەشىم قابىلدانۋدا. مەن كۋۆەيت مەملەكەتىن 28-ءشى مۇشە مەملەكەت رەتىندە قۇپتايمىن. بۇل ءبىزدىڭ فورۋمنىڭ وزەكتىلىگىن جانە ازياداعى ديالوگ پەن ىنتىماقتاستىقتى ودان ءارى نىعايتۋ قاجەتتىگىن تاعى ءبىر رەت كورسەتتى», دەدى قازاقستان پرەزيدەنتى قاسىم-جومارت توقاەۆ اوسشك VI ءسامميتىنىڭ اشىلۋىندا.
اوسشك ەرەجەلەرىنە سايكەس, ۇيىمعا مۇشەلىك كانديدات مەملەكەت ەكى ىرگەلى قۇجاتقا قول قويعاننان كەيىن بەرىلەدى: 1999 جىلعى 14 قىركۇيەكتەگى اوسشك-گە مۇشە مەملەكەتتەر اراسىنداعى قاتىناستاردى رەتتەيتىن قاعيداتتار تۋرالى دەكلاراتسيا جانە 4 ماۋسىمداعى الماتى اكتىسى, كۋۆەيت بۇل قۇجاتتارعا سەيسەنبى كۇنى قول قويدى.
