جىلدىڭ باستى تاقىرىبى - «جاڭا ءداۋىر - جاڭا مەديا» جوبانىڭ ۇش قۇندىلىعىندا جاناسادى. ولار: جاڭا شىندىققا دەگەن سەنىم, جاڭا ۋاقىتتاعى كاسىبيلىك جانە باق-تىڭ تۇراقتى دامۋى. بۇگىندە مۇنىڭ ءبارى الەۋمەتتىك كەلىسىم مەن كوممۋنيكاتسيالىق سەرپىلىستەردىڭ نەگىزى ەكەنى بەلگىلى.
بيىلعى مەديا اپتا وزەكتى ماسەلەلەردى كوتەرەتىن جانە ماڭىزدى وقيعالاردى بىرىكتىرەتىن بىرەگەي جانە ءارتۇرلى ءىس-شارالارعا تولى بولماق. باعدارلاما اياسىندا باس رەداكتورلار كلۋبىنىڭ فورۋمى, وڭىرلىك باق فورۋمى, دوڭگەلەك ۇستەلدەر, پانەلدىك پىكىرتالاستار, ءباسپاسوز حاتشىلارى مەن جۋرناليستەرگە ارنالعان شەبەرلىك ساعاتتار, پروداكشن-كومپانيالارعا ارنالعان پيتچينگتەر, كونتەنت-ماركەر جانە تاعى باسقا ءىس-شارالار جوسپارلانعان.
ايتا كەتسەك, اپتانىڭ جەكە مەديا تاقىرىبى رەتىندە «Meta» تالقىلانادى. مەتانىڭ دامۋى باق-قا قالاي اسەر ەتەدى؟ قازىرگى مەديا ءۇشىن ونىڭ قانداي ارتىقشىلىقتارى بار؟ بۇل سۇراقتارعا ەلىمىزدىڭ تانىمال ساياسي قايراتكەرلەرى جانە ارنايى قوناق رەتىندە شاقىرىلعان مeta ءارى TikTok توپتارىنىڭ باستى قاتىسۋشىلارى نەگىزگى پلەنارلىق وتىرىستا جاۋاپ بەرەدى.
فورۋم اياسىندا مەديا اپتانىڭ سەرىكتەستەرىنەن ارنايى سەسسيالار وتەدى. سونىمەن, ورتالىق ازيا جارناما قاۋىمداستىعى ەلدەگى جارنامانىڭ تانىمال بولۋىمەن نە بولىپ جاتقانىن, نارىقتىڭ دەڭگەيى مەن ناقتى كورسەتكىشتەرى قانداي ەكەنىن ايتادى. ۇلتتىق مەديا قاۋىمداستىعى جاڭا اقپاراتتىق-كوممۋنيكاتسيالىق تەحنولوگيالار مەن زاماناۋي بۇقارالىق اقپارات قۇرالدارىنىڭ اسەرىنەن قازىرگى قوعامنىڭ قالاي دامىپ جاتقانى تۋرالى ءوز بىلىمدەرى مەن تاجىريبەسىمەن بولىسەدى.
سونداي-اق Astana Media Week ءباسپاسوز, راديو, ينتەرنەت-جۋرناليستيكا سالاسىنداعى ۇزدىك جەتىستىكتەرى ءۇشىن «ۇركەر» سىيلىعىن سالتاناتتى تۇردە تابىستاۋ راسىمىمەن اياقتالادى.
