وزەكتى ماسەلەلەر بويىنشا ءوزارا پىكىر الماسىلدى

قازاقستان رەسپۋبليكاسى پارلامەنتى ءماجىلىسىنىڭ توراعاسى قابيبوللا جاقىپوۆ VII استانا ەكونوميكالىق فورۋمىنا كەلگەن ليۆان پارلامەنتىندەگى «مۋستاكبال» باسشىلىق بلوگىنىڭ جەتەكشىسى, ەكس-پرەمەر-مينيستر فۋاد اس-سينيورامەن كەزدەستى, دەپ حابارلادى ءماجىلىستىڭ ءباسپاسوز قىزمەتى. ولار قازاقستان-ليۆان ماسەلەلەرى بويىنشا جانە پارلامەنتتىك, ىنتى­ماقتاستىق جايىندا ەكىجاقتى پىكىر الماسىپ, كۇن تارتىبىندە تۇرعان وزەكتى ماسەلەلەرگە دە نازار اۋداردى. قابيبوللا جاقىپوۆ الەم بۇگىنگى ەكو­نوميكالىق جانە قارجىلىق داعدا­رىس جاعدايىندا الدىمەن كەلىسىم مەن ۇجىمشىلدىق جانە جان-جاقتىلىققا كوڭىل اۋدارىپ وتىرعانىنا توقتالدى. – وسى جاعىنان الىپ قاراعاندا, قازاقستان پرەزيدەنتى نۇرسۇلتان نازار­باەۆتىڭ G-Global يدەياسى ءوزىنىڭ الەمگە قاجەتتىلىگىن تاعى ءبىر مارتە دالەل­دەپ وتىر, – دەپ اتاپ ءوتتى ءماجىلىس توراعاسى. ءوز كەزەگىندە فۋاد اس-سينيورا قازاق­ستانمەن ىنتىماقتاستىق كوكجيەگىن كەڭەيتۋدىڭ ليۆان ءۇشىن ماڭىزىنا توقتالىپ, ءبىزدىڭ ەلدىڭ بارلىق باعىتتا قارقىندى دامىپ وتىرعانىن اتاپ ءوتتى. – بۇل وركەندەۋدە 2050 جىلعا دەيىنگى قازاقستاننىڭ دامۋ ستراتەگياسىن ناقتىلاپ قويعان سىزدەردىڭ پرەزيدەنتتىڭ ەڭبەگى زور, – دەدى لي­ۆان­دىق پارلامەنتشى. تاراپتار قازاقستان مەن ليۆان ءوز ايماقتارىندا تۇراقتىلىق پەن سەنىم جاعدايىندا بەلسەندى جاقتاستار ەكەنىن قۋاتتادى. – قازاقستان تاياۋ شىعىستاعى تۇراق­تىلىق پەن بەيبىتشىلىككە وتە مۇددەلى, – دەدى قابيبوللا جاقىپوۆ وسى ورايدا. ەكى جاققا پايدالى قازاقستان-ليۆان ىنتىماقتاستىعىن كەڭەيتۋ, ەكونوميكالىق بايلانىستى ورىستەتىپ, قۇقىقتىق-شارتتىق بازانى دامىتۋ, بانك سالاسىنداعى تاجىريبەمەن ءبولىسۋ تۇرعىسىندا پىكىر الماسىلدى. قابيبوللا جاقىپوۆ پەن فۋاد اس-سينيورا پارلامەنتارالىق بايلانىس­تاردى نىعايتۋ جايىندا ءوز پىكىرلەرىن ءبىلدىردى. تاراپتاردىڭ ويىنشا, پار­لامەنتتەردىڭ سالالىق كوميتەتتەرىنىڭ تۇراقتى بايلانىسى وسى جولدا كوپ ۇلەس قوساتىن بولادى.