«اقجايىق – ارۋ مەكەنىم»

عاريفوللا قۇرمانعاليەۆ اتىنداعى باتىس قازاقستان وبلىستىق فيلارمونياسى ۇيىمداستىرعان بۇل بايقاۋ وسىمەن ءۇشىنشى مارتە ءوتىپ وتىر. بايقاۋعا ماڭعىستاۋ, قاراعاندى, قوستاناي وبلىستارىنان, استانا, شىمكەنت, اتىراۋ قالالارىنان, باتىس قازاقستان وبلىسى اۋداندارى مەن جەرگىلىكتى ورال قالاسىنان كەلگەن 21 ونەرپاز قاتىسىپ, باق سىنادى.

تانىمال سازگەر, اقجايىق ءوڭى­رىنىڭ گيمنىنە اينالعان ايگىلى ءاننىڭ اۆتورى دونەدىل قاجىموۆتىڭ شىعار­ماشىلىعىن ناسيحاتتايتىن جاس ان­شىلەر بايقاۋىنا الماتى قالاسىنان قازاقستان رەسپۋبليكاسىنىڭ ەڭبەك سىڭىرگەن قايراتكەرى مۇحتار ءشامشى ۇلى قالداياقوۆ, قازاقستاننىڭ ەڭبەك سىڭىر­گەن قايراتكەرى, پروفەسسور, كومپوزيتور, قازاقستان كومپوزيتورلار وداعىنىڭ توراعاسى سەرىكجان ءابدى­نۇروۆ, قازاقستاننىڭ ەڭبەك سىڭىرگەن قايرات­كەرى ايگۇل قوسانوۆا, اقتوبە ساز كوللەدجى­نىڭ ديرەكتورى, قازاقستان رەسپۋبليكاسىنىڭ مادەنيەت قايرات­كەرى امانجول يسماعۇلوۆتار ارنايى كەلىپ, قازىلىق ەتتى. القا قۇ­را­مىندا سونداي-اق داۋلەتكەرەي اتىن­داعى قازاق حالىق اسپاپتارى وركەس­ترىنىڭ كوركەمدىك جەتەكشىسى جانە باس ديريجەرى,  «دارىن» مەملەكەتتىك جاستار سىيلىعىنىڭ لاۋرەاتى, قازاقستان رەسپۋبليكاسى مادەنيەت سالاسىنىڭ ۇزدىگى ەركىن نۇرىمبەتوۆ, مادەنيەت سالاسىنىڭ ۇزدىگى, قازاقستان كومپوزيتورلار وداعىنىڭ مۇشەسى جاس­كەلەڭ عايساعاليەۆتەر دە بولدى. دونەدىل قا­جىموۆتىڭ ءوزى توراعالىق ەت­كەن قا­زىلار القاسى استانالىق ارمات امان­دىقوۆتى باس جۇلدەگە لايىق دەپ تانىدى. باي­قاۋدىڭ ءبىرىنشى ورىن جۇل­دەسى با­تىس­قا­زاقستاندىق تاراس جا­ۋىنباەۆقا بۇيىردى.

اقتوبەلىك نۇرتاس وماروۆ پەن ماڭ­عىس­تاۋلىق سەرىجان ماسجانوۆ جۇل­دەلى ەكىنشى ورىنعا يە بولسا, ماڭ­عىستاۋ وبلىسىنان كەلگەن تاعى ءبىر ورەن ەرحات جاقاشەۆ, ورالدىق مۇ­رات احمەتوۆ جانە اتىراۋلىق باق­­تو­تى كاكىموۆا ءۇشىنشى ورىندى ءوز­ارا ءبولىستى. ال تۇركىستان وبلى­سى­­نان كەلگەن ۇمىتكەر وسەرباي ءبورى­حانوۆ پەن قاراعاندىلىق دينارا دۇي­سەمباەۆا, قوستانايلىق ءاجىباي تاس­­قىن ديپلومانت اتاندى. باتىس قازاق­ستان وبلىسى جانىبەك اۋدا­نىنان قاتىس­قان كۆارتەت مۇشەلەرى رايىمبەك كارىموۆ, اسى­لان بورانباەۆ, اسەم عاي­نۋلينا جانە شىنار قايىپوۆا «كو­رەرمەن كوز­ايىمى» سىيلىعىمەن مارا­پاتتالدى. باي­قاۋعا قاتىسقان وزگە قا­تىسۋشىلارعا دا العىسحات پەن ەستەلىك سىيلىق تابىس­تالدى.

بايقاۋدىڭ سوڭى «دونەدىل دوستارىن شاقىرادى» اتتى كونتسەرتكە ۇلاستى.

باتىس قازاقستان وبلىسى