«الەمدە, سونىڭ ىشىندە قازاقستاندا ءسۇت بەزى وبىرى (بك) ايەلدەردە كەزدەسەتىن قاتەرلى ىسىكتەردىڭ اراسىندا 1-ورىندا تۇر. ەلىمىزدە جىل سايىن ورتا ەسەپپەن 5000-عا جۋىق ءسۇت بەزى قاتەرلى ىسىگىنە شالدىققان ناۋقاس انىقتالىپ, 1200-گە جۋىق ايەل قايتىس بولادى», دەلىنگەن حابارلامادا.
دۇنيەجۇزىلىك دەنساۋلىق ساقتاۋ ۇيىمى (ددسۇ) 1993 جىلى قازان ايىن ءسۇت بەزى قاتەرلى ىسىگىنە قارسى كۇرەس ايى دەپ جاريالادى.
ەگەر ىسىك ەرتە كەزەڭدەرىندە انىقتالسا, ونكولوگيالىق ناۋقاستاردىڭ 95% -ىندا ەمدەۋ ءساتتى بولادى.
تەگىن سكرينينگتەن 40 جاستان 70 جاسقا دەيىنگى ايەلدەر تۇرعىلىقتى جەرى بويىنشا ەمحانالاردا وتە الادى.
15 قازاندا ماممولوگتار قازاقستاننىڭ ونكولوگيالىق ۇيىمدارىندا اشىق ەسىك كۇنىن وتكىزەدى. ايەلدەر مەن قىزدار ءسۇت بەزىنىڭ پاتولوگياسىن ەرتە انىقتاۋ ءۇشىن تەگىن تەكسەرۋدەن ءوتىپ, بىلىكتى مەديتسينالىق كەڭەس الا الادى.
جانسايا ءانۋار
