• 22 مامىر, 2014

پاللياتيۆتىك كومەك

566 رەت

كورسەتىلدى

1 مين

وقۋ ءۇشىن

Egemen Qazaqstan

ورال قالاسىنداعى «بايتەرەك» مۇمكىندىگى شەكتەۋلى بالالار قوعامدىق بىرلەستىگى ايىقپاس دەرتكە دۋشار بولعان بالالارعا پاللياتيۆتىك كومەك كورسەتۋ ءىسىن ۇيىمداستىرۋعا باستاماشى بولىپ وتىر. وسىعان وراي وڭىردە ەرىكتىلەردەن قۇرالعان ارنايى توپتار جاساقتالۋ ۇستىندە. پاللياتيۆتىك كومەك دەگەنىمىز قانداي كومەك؟ وقىرماندارعا تۇسىنىكتى بولۋ ءۇشىن بۇل تىركەسكە انىقتاما بەرە كەتكەن ءجون. «بۇل, جوعارىدا ايتىلعانداي, ونكولوگيالىق اۋرۋدان زارداپ شەگىپ ءجۇرگەن جانعا مامانداندىرىلعان مەديتسينالىق قىزمەت كورسەتۋ. ياعني, كەسەل مەن دياگنوزدىڭ قانداي اۋىر, قانداي كۇردەلى بولعانىنا قاراماستان, ونىڭ بەلگىلەرىن جەڭىلدەتۋ, – دەدى گازەت تىلشىسىنە الەۋمەتتىك سالا جاناشىرى نادەجدا كوزاچەنكو. – مۇنداعى باستى ماقسات – ەمدەلۋشى مەن ونىڭ وتباسىنىڭ ءومىر ساپاسى مەن كوڭىل-كۇيىن جاقسارتۋعا كومەكتەسۋ». وبلىستا بۇگىندە پاللياتيۆتىك كومەكتى دارىگەرلەرمەن, مەدبيكەلەرمەن جانە باسقا دا الەۋمەتتىك-قايىرىمدىلىق سالالارى ماماندارىمەن كەشەندى تۇردە كورسەتۋگە كوڭىل اۋدارىلعان. سوندىقتان دا مۇندا پاللياتيۆتىك جاردەم كورسەتەتىن ماماندار توبىنىڭ مۇشەلىگىنە پسيحولوگتار, ماسساجيستەر مەن ديەتولوگتار جانە وزگە دە ارنايى ماماندىق يەلەرىن ەنگىزۋ كوزدەلگەن. تەمىر قۇسايىن, «ەگەمەن قازاقستان». ورال.