جاس ينسپەكتورلار سلەتى

وبلىستىق ىشكى ىستەر دەپارتامەنتى وبلىستىق ءبىلىم باسقارماسىمەن بىرلەسىپ, قارعالى اۋىلىندا ورنالاسقان ەسەت باتىر اتىنداعى كوپسالالى مەكتەپتە «قوزعالىستىڭ جاس ينسپەكتورلارى» اتتى 14-ءشى وبلىستىق سلەت وتكىزدى. شارانىڭ ماقساتى بالالاردىڭ قاتىسۋىمەن بولعان جول-كولىك وقيعالارىنىڭ الدىن الۋ, جول قوزعالىسى ەرەجەلەرىن ناسيحاتتاۋ جۇمىس­تارىن جانداندىرۋ, قوزعالىستىڭ جاس ينس­پەكتورلارىنىڭ جۇمىستارىن جەتى­ل­دىرۋ بولىپ تابىلدى. سلەتكە قالا­لىق جانە اۋداندىق دەڭگەيلەردە وتكەن قوزعالىستىڭ جاس ينسپەكتورلارى بايقاۋ­لارىنىڭ جەڭىمپازدارى, بارلىعى 140 وقۋ­شى قاتىستى. بايقاۋ «جول قوزعا­­لىسى ەرە­جەلەرىنىڭ بىلگىرلەرى», «جاس رەتتەۋ­شى», «ءبىلىمدار», «جاس سانيتار», «قاۋىپ­سىز ءدوڭ­گەلەك», «ساپتىق قاراۋ», «ۇگىت بريگادالارى» سياقتى جەتى نوميناتسيا بويىنشا ءوتتى. وبلىستىق سلەتتىڭ جەڭىمپاز كومانداسى 22 ماۋسىم – 2 شىلدە ارالىعىندا شىعىس قازاقستان وبلىسىندا وتەتىن «قوزعالىستىڭ جاس ينسپەكتورلارى» رەسپۋبليكالىق سلە­تى­نە بارادى. وندا قازاقستاننىڭ بارلىق ءوڭىر­لەرىنەن كەلگەن جەڭىمپازدار, سونىمەن قاتار تمد مەملەكەتتەرىنىڭ كوماندالارى قاتىسادى. ساتىبالدى ءساۋىرباي, «ەگەمەن قازاقستان». اقتوبە وبلىسى.