وسى ورايدا شىمكەنت قالاسى تۇرعىن ءۇي باسقارماسىنىڭ باسشىسى جانات وتەباەۆا اپتانىڭ ءار سارسەنبىسى كۇنى ازاماتتاردى جەكە قابىلدايتىنىن ايتادى. ازاماتتاردىڭ كوپشىلىگى تۇرعىن ءۇي ماسەلەسى بويىنشا جەكە قابىلداۋعا جازىلادى. ولاردىڭ قاتارىندا تۇرعىن ءۇي كەزەگىندە تۇرعان كوپبالالى وتباسىلار, تولىق ەمەس وتباسىلار جانە حالىقتىڭ الەۋمەتتىك ءالسىز توپتارى بار. بۇدان بولەك تۇرعىن ءۇي كەزەگىنە تىركەلمەگەن ازاماتتارعا دا بارىنشا زاڭ اياسىندا ءتۇسىندىرۋ جۇمىستارى جۇرگىزىلىپ, قۇقىقتىق كومەك كورسەتىلەدى. باسقارما باسشىسى مالىمدەگەندەي, قازاقستان رەسپۋبليكاسى «تۇرعىن ءۇي قاتىناستارى تۋرالى» زاڭىنىڭ 67 جانە 74-باپتارىنا سايكەس كوممۋنالدىق تۇرعىن ءۇي قورىنان باسپانالار بەلگىلەنگەن تارتىپپەن كەزەك رەتى ارقىلى بەرىلەدى.
شىمكەنت قالاسى بويىنشا تۇرعىن ءۇي كەزەگىندە بۇگىنگى تاڭدا 49 840 ازامات تىركەلگەن. ولاردىڭ ىشىندە جەتىم جانە اتا-انا قامقورلىعىنسىز قالعان بالالار ساناتى بويىنشا – 1 874, كوپبالالى وتباسىلار – 10 358, حالىقتىڭ الەۋمەتتىك جاعىنان ءالسىز توبى – 17 260, مەملەكەتتىك قىزمەتشىلەر, بيۋدجەتتىك ۇيىم جانە اسكەري قىزمەتشىلەر – 20 322, جالعىز تۇرعىن ءۇيى اپاتتى جاعدايدا دەپ تانىلعان ازاماتتار 26 ادامدى قۇرايدى.
2022 جىلى جالپى سانى 1 605 ازاماتتى ساتىپ الۋ قۇقىعىنسىز ارەندالىق پاتەرمەن قامتاماسىز ەتۋ كوزدەلسە, جىل باسىنان بەرى 423 ازامات ارەندالىق تۇرعىن ۇيمەن قامتىلدى. ونىڭ ىشىندە 211 جالدامالى باسپانا جۇمىس ىستەپ جۇرگەن جاستارعا, 31 پاتەر جەتىم بالالارعا, 86 پاتەر كوپبالالى وتباسىلارعا, 95 پاتەر حالىقتىڭ الەۋمەتتىك جاعىنان ءالسىز توبىنا پايدالانۋعا بەرىلدى. تۇراقتى جۇمىسى بار 29 جاسقا دەيىنگى جاستارعا ساتىپ الۋ قۇقىعىنسىز 211 پاتەرگە كونكۋرس وتكىزىلىپ, قازان ايىندا جالداۋ كەلىسىمشارتتارى بەرىلەدى. ال قالعان پاتەرلەر جىل سوڭىنا دەيىن كەزەڭ-كەزەڭىمەن تابىستالادى.
2021 جىلى جالپى سانى 1 596 ازامات جالدامالى باسپانامەن قامتىلدى. ونىڭ ىشىندە جۇمىس ىستەيتىن جاستارعا 904 پاتەر قولدانىسقا بەرىلسە, 692 پاتەر تۇرعىن ءۇي كەزەگى ساناتتارى بويىنشا ازاماتتارعا ۇلەستىرىلدى.
قازىرگى تاڭدا ارەندالىق تۇرعىن ۇيلەردى بەلگىلەنگەن تارتىپپەن كەزەك ارقىلى كوپبالالى وتباسىلارعا, حالىقتىڭ الەۋمەتتىك جاعىنان ءالسىز توپتارىنا جانە جۇمىس ىستەيتىن جاستارعا بەرۋ قاراستىرىلۋدا. اشىقتىقتى قامتاماسىز ەتۋ ماقساتىندا كەزەكتە تۇرعانداردىڭ بىرىڭعاي رەسپۋبليكالىق ەلەكتروندىق دەرەكقورىنىڭ سەرۆيسى قولدانىلادى.
تۇرعىن ءۇي كەزەگىنە تىركەلۋ ءۇشىن قازاقستان رەسپۋبليكاسى «تۇرعىن ءۇي قاتىناستارى تۋرالى» زاڭىنىڭ 67-بابىنىڭ تالاپتارىنا سايكەس بەلگىلەنگەن ساناتتاردىڭ بىرىنە ەنۋى, ازاماتتىڭ تۇرعىلىقتى مەكەنجايى كەمىندە ءۇش جىل تۇراقتى شىمكەنت قالاسىندا بولۋى جانە ءوتىنىم بەرۋشى مەن وتباسى مۇشەلەرىندە سوڭعى بەس جىل كولەمىندە تۇرعىن ءۇيدىڭ تىركەلمەۋى شارت. ۇلى وتان سوعىسىنىڭ قاتىسۋشىلارى مەن مۇگەدەكتەرى, جەتىم جانە اتا-اناسىنىڭ قامقورلىعىنسىز قالعان بالالار, «التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, سونداي-اق I جانە II دارەجەلى «انا داڭقى» وردەندەرىمەن ناگرادتالعان كوپبالالى انالار, كوپبالالى وتباسىلار, حالىقتىڭ الەۋمەتتىك ءالسىز توبىنا جاتاتىندار, مەملەكەتتىك قىزمەتشىلەر, بيۋدجەتتىك ۇيىم جانە اسكەري قىزمەتشىلەر, جالعىز تۇرعىن ءۇيى اپاتتى دەپ تانىلعان ازاماتتار كەزەككە تىركەلۋ ءۇشىن ءوتىنىش بىلدىرە الادى.
ەگەر ازاماتتار جوعارىدا اتالعان ساناتتاردىڭ بىرىنە سايكەس كەلسە, وندا تۇرعىن ۇيگە كەزەككە تۇرۋ ءۇشىن بارلىق قاجەتتى قۇجاتتارمەن بىرگە ءوتىنىمدى «kezەkte.kz» ەلەكتروندىق پورتالى ارقىلى جولداي الادى.
ءبىر ەسكەرەتىن جايت, ارەندالىق كوپپاتەرلى تۇرعىن ۇيلەرگە تۇرعىن ءۇي باسقارماسى تاراپىنان جەرگىلىكتى قۇقىق قورعاۋ ورگاندارىنىڭ قاتىسۋىمەن ءتيىستى تەكسەرۋ جۇمىستارى جۇرگىزىلىپ وتىرادى. سوندىقتان ارەندالىق باسپانامەن قامتىلعان ازاماتتار كەلىسىمشارت جاساسقان كۇننەن باستاپ 1 ايدىڭ ىشىندە قونىستانۋى, ياعني كوشىپ بارۋعا ءتيىس. ەگەر جالعا الۋشى پاتەر يەسى 6 ايدىڭ كولەمىندە وزىنە بەرىلگەن پاتەردە تۇرماعان جاعدايدا نەمەسە باسقا دا ارەندالىق تۇرعىن ءۇيدى پايدالانۋدىڭ تالاپ شارتتارىن ورىنداماعان جاعدايدا, وعان باسقارما تاراپىنان ەسكەرتۋ تۇرىندەگى حابارلاما حاتى جولدانىپ, سوت ارقىلى پاتەر كەرى قايتارىلادى.
شاھاردا 29 جاسقا دەيىنگى جۇمىس ىستەيتىن جاستاردى باسپانامەن قامتاماسىز ەتۋدى كوزدەيتىن باعدارلاماعا سايكەس تۇرعىن ۇيگە وتىنىمدەردى قابىلداۋ بيىل 6-7 قازان كۇندەرى ارالىعىندا جۇرگىزىلدى. جاستار باعدارلاماسى بويىنشا قاتىسۋشىلارعا قويىلاتىن باستى تالاپ – جاسى 29-عا تولماعان جانە تۇراقتى جۇمىسى بولۋعا ءتيىس. سونداي-اق ءوتىنىم بەرۋشىنىڭ اتىندا سوڭعى 2 جىلدا قازاقستان رەسپۋبليكاسى اۋماعىندا تۇرعىن ءۇي تىركەلمەۋى, شىمكەنت قالاسىندا سوڭعى 2 جىلدا تۇراقتى تىركەۋدە بولۋى, اي سايىنعى تابىسى 40 اەك-تەن (122 520 تەڭگەدەن) اسۋى شارت. باعدارلاماعا قاتىسۋشىلار «kezekte.kz» ەلەكتروندى پورتالىندا ەلەكتروندى تسيفرلىق قولتاڭبا, قىسقاشا ەتسق ارقىلى ءوتىنىش بەرە الادى. اتالعان باعدارلاما بويىنشا جىل سوڭىنا دەيىن جالپى سانى 857 جاستى پاتەرمەن قامتۋ كوزدەلىپ وتىر. ونىڭ ىشىندە تۇران شاعىن اۋدانىنان – 211, 189 ورام مەن شىمسيتيدەن – 286, بوزارىق شاعىن اۋدانىنان 360 پاتەر بەرىلەدى دەپ جوسپارلانۋدا. جالپى, بۇل باعدارلاما بويىنشا 2020 جىلى – 904, 2021 جىلى 300 ازامات پاتەرمەن قامتىلدى.
بىلتىر تۇرعىن ءۇي كەزەگىندەگى حالىقتىڭ الەۋمەتتىك ءالسىز توبى مەن كوپبالالى وتباسىلاردى قولداۋ ماقساتىندا «2-10-20» نەمەسە «باقىتتى وتباسى» باعدارلاماسى اياسىندا 365 وتباسى نەسيەلىك باسپاناعا قول جەتكىزدى. 2021 جىلدان 2022 جىلعا وتپەلى بولعان «شاڭىراق» باعدارلاماسى بويىنشا 1 484 وتباسى نەسيە نەگىزىندە باسپانالى بولدى. ال بيىل «5-20-25» كرەديتتىك تۇرعىن ءۇي باعىتىمەن 624 ازاماتتى باسپانامەن قامتاماسىز ەتۋ جوسپاردا بار. اتالعان تۇرعىن ۇيلەردىڭ كونكۋرسى كەزەڭ-كەزەڭىمەن وتباسى بانك ارقىلى جۇرگىزىلىپ, قازىرگى تاڭدا 243 ازامات نەسيەلىك تۇرعىن ءۇي الىپ ۇلگەردى.
تۇرعىن ءۇي سەرتيفيكاتىنا ءوتىنىم قابىلداۋ 2022 جىلدىڭ 13 شىلدەسىنەن باستاپ مەملەكەتتىك كورسەتىلەتىن قىزمەت رەتىندە www.kezekte.kz ينتەرنەت رەسۋرسى ارقىلى اۆتوماتتاندىرىلعان. بيىل تۇرعىن ءۇي سەرتيفيكاتى ءۇشىن جەرگىلىكتى بيۋدجەتتەن 500 ملن تەڭگە قارجى قارالدى. بۇگىندە تۇرعىن ءۇي سەرتيفيكاتىن الۋعا 124 ءوتىنىم تۇسسە, ونىڭ 45-ءى ماقۇلدانىپ, اتالعان قۇجات 32,9 ملن تەڭگەگە قايتارىمسىز نەگىزدە باسپاناعا مۇقتاج ازاماتتارعا بەرىلدى.
تۇرعىن ءۇي سەرتيفيكاتى «نۇرلى جەر» مەملەكەتتىك باعدارلاماسى بويىنشا قاراستىرىلعان. سونىڭ ىشىندە «2-10-20», «5-10-20» باعىتتارى شەڭبەرىندە باستاپقى جارنانىڭ ءبىر بولىگىن جابۋ ءۇشىن قايتارىمسىز نەگىزدە ۇسىنىلادى. تۇرعىن ءۇي سەرتيفيكاتىنىڭ سوماسى ءاربىر ۇمىتكەر ءۇشىن 1 ملن تەڭگەدەن اسپايتىن بىرىڭعاي مولشەردە ايقىندالعان. ايتا كەتۋ كەرەك, شىمكەنت قالاسى بويىنشا تۇرعىن ءۇي سەرتيفيكاتتارى 2019 جىلدان باستاپ بەرىلە باستادى. 2019 جىلى 21 ازاماتقا – 20,4 ملن تەڭگەگە, 2020 جىلى 101 ازاماتقا – 100 ملن تەڭگەگە تۇرعىن ءۇي سەرتيفيكاتتارى تابىستالدى. 2021 جىلى 416 وتباسىنا – 370 ملن تەڭگەگە بەرىلسە, بيىل مۇنداي سەرتيفيكات 500 ازاماتقا 1 ملن تەڭگەگە دەيىن قايتارىمسىز نەگىزدە الەۋمەتتىك كومەك رەتىندە تاپسىرىلادى.
بۇل قۇجات زاڭنامادا بەلگىلەنگەندەي, ايىنا ەڭ تومەنگى كۇنكورىس دەڭگەيىنىڭ 3,1 كورسەتكىشىنەن اسپاعان (2022 جىلعا – 37 389 تەڭگە) جانە سوڭعى 6 اي ىشىندە ورتاشا تابىسى ايىنا 115 905 تەڭگە بولعان جاعدايدا ۇسىنىلادى. ءوز كەزەگىندە تۇرعىن ءۇي سەرتيفيكاتىن الۋشىلار ساناتىنا مۇگەدەك بالالارى بار نەمەسە مۇگەدەك بالالاردى تاربيەلەپ وتىرعان, كوپبالالى, تولىق ەمەس وتباسىلار, مەملەكەتتىك مەكەمە مەن دەنساۋلىق ساقتاۋ, ءبىلىم بەرۋ, مادەنيەت, سپورت سالاسىنىڭ ماماندارى جانە قۇقىق قورعاۋ ورگاندارىنىڭ قىزمەتكەرلەرى جاتادى.
– سونىمەن بىرگە تۇرعىن ءۇيدىڭ جالداۋ اقىسىن سۋبسيديالاۋعا جولدانعان 1 419 ازاماتتىڭ ءوتىنىمى ماقۇلداندى. 276 ازاماتقا «وتباسى بانكپەن» ارادا تۇزىلگەن كەلىسىمشارت ارقىلى تۇرعىن ءۇيدىڭ جالداۋ اقىسىنىڭ 50 پايىز تولەمى مەملەكەت تاراپىنان اۋدارىلۋدا. بۇل بويىنشا تۇرعىن ءۇي باسقارماسى جانە «وتباسى بانك» وكىلدەرى, سونداي-اق اۋدان اكىمدىكتەرى بىرلەسىپ تۇرعىندارمەن كەزدەسۋ وتكىزدى, تۇرعىن ءۇي سۋبسيدياسى تۋرالى حالىققا تۇسىندىرمە جۇمىستارى جۇرگىزىلدى. باعدارلاما تالاپتارىنا سايكەس تۇرعىن ءۇي كەزەگىنە تىركەلگەن 1 جانە 2 توپتاعى مۇگەدەكتىگى بار ادامدار, مۇمكىندىگى شەكتەۋلى بالالارى بار نەمەسە ولاردى تاربيەلەپ وتىرعان وتباسىلار, جەتىم جانە اتا-اناسىنىڭ قامقورلىعىنان ايىرىلعان بالالار, كوپبالالى وتباسىلار سۋبسيديا الۋعا ءوتىنىشتى otbasybank.kz پلاتفورماسىندا بەرە الادى. ءوتىنىش بەرۋشىنىڭ سوڭعى 6 ايداعى وتباسىداعى ادام باسىنا شاققانداعى تابىسى ەڭ تومەنگى كۇنكورىس دەڭگەيىنەن اسپاۋى كەرەك. ءوتىنىش بەرۋ ەتسق ارقىلى قابىلداناتىنىن ەسكەرۋ قاجەت. جالپى, سۋبسيديالاۋعا قاتىستى سۇراقتار بويىنشا قالاداعى بەيبىتشىلىك كوشەسى, 3-ءۇي مەكەنجايىندا ورنالاسقان «وتباسى بانكتىڭ» كەڭەسشىلەرى تولىق جاۋاپ بەرە الادى, – دەدى باسقارما باسشىسى ج.وتەباەۆا.
شىمكەنت
