بۇگىن ەلوردادا «قازاق انالارى-داستۇرگە جول» قوعامدىق بىرلەستىگىنىڭ جيىنى ءوتتى. جيىن بارىسىندا بىرلەستىك اتىنان قازاقستان رەسپۋبليكاسى پرەزيدەنتتىگىنە كانديدات بولىپ تۇرسىنبەكوۆا سالتانات پارحاتقىزى ۇسىنىلدى. ونىڭ كانديداتۋراسىن جيىنعا قاتىسقان قاۋىمداستىقتىڭ 20 مۇشەسى جانە بەينەبايلانىس ارقىلى قوسىلعان 18 ۇيىم مۇشەسى قولدادى.
سالتانات تۇرسىنبەكوۆا – بەلگىلى قوعام قايراتكەرى, ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا توراعاسىنىڭ ورىنباسارى. سوڭعى جىلدارى ول تۇرمىستىق زورلىق-زومبىلىقپەن كۇرەس جانە ونىڭ الدىن الۋعا ارنالعان بىرنەشە جوبالارعا جەتەكشىلىك ەتتى.
1966 جىلى جامبىل وبلىسىندا دۇنيەگە كەلگەن. مەملەكەتتىك قىزمەتتە 30 جىلدان استام تاجىريبەسى بار.
«قازاق انالارى-داستۇرگە جول» قوعامدىق بىرلەستىگى بۇگىن ورتالىق سايلاۋ كوميسسياسىنا سالتانات تۇرسىنبەكوۆانىڭ قۇجاتتارىن تاپسىرۋدى جوسپارلاپ وتىر.
