2016 جىلعا دەيىن ەلىمىزدەن رەسەيگە 60 مىڭ توننا ەت ەكسپورتتالادى

استانا. 21 مامىر. ەۋرازيالىق ەكونوميكالىق كەڭىستىك قازاقستانعا ەكونوميكالىق قولايلى جاعداي تۋعىزۋدا. بۇل تۋرالى «24kz» حابارلادى. ەۋرازيالىق ينتەگراتسيا ءبىزدىڭ كاسىپكەرلەرىمىزگە جاڭا مۇمكىندىكتەر اشىپ بەرۋدە. ءسوزىمىزدىڭ دالەلى رەتىندە قازىرگى تاڭدا ەلىمىزدەن سىرتقى نارىققا 700-دەن استام تاۋار ءتۇرى ەكسپورتتالىپ جاتقانىن ايتۋعا بولادى. اسىرەسە, وتاندىق ونىمدەرىمىز كەيىنگى ۋاقىتتا رەسەي نارىعىنا ەركىن ەنە باستادى. ولاردىڭ قاتارىندا اۋىلشارۋاشىلىعى ونىمدەرىنىڭ ۇلەسى مولىراق. «قازاگرو» ۇلتتىق حولدينگى» اكتسيونەرلىك قوعامى باسقارماسى توراعاسىنىڭ ورىنباسارى قايرات ايتۋعانوۆتىڭ ايتۋىنشا, 2013 جىلى رەسەي مەن بەلارۋس ەلدەرىنە بىزدەن قۇنى 1 ميلليارد دوللاردان استام تاۋارىن ەكسپورتتالعان. ال 2016 جىلعا دەيىن رەسەيگە 60 مىڭ توننا ەت ەكسپورتتاۋ جوسپارلانۋدا. بۇدان بولەك, قازاقستاننىڭ اگرارلىق سالاداعى ەكسپورتىنىڭ كولەمى جىل وتكەن سايىن ارتا تۇسۋدە.. قايرات ايتۋعانوۆ: «ۇلتتىق ءىرى جوبالار شەڭبەرىندە 2016 جىلعا دەيىن رەسەي نارىعىنا 60 مىڭ توننا ەت ەكسپورتتاۋ كوزدەلۋدە. مۇنىڭ 10 مىڭ تونناسىن بيىل جىبەرەمىز. وسى جۇمىستارعا بايلانىستى رەسەي جانە بەلارۋس ەلدەرىمەن بىرلەسكەن مەكەمەلەر قۇرىپ ۇستىندەمىز», – دەدى. سونداي-اق, ول بۇگىندە 100 مىڭ توننا ەت, كوكونىس جانە جيدەك قىتايعا جىبەرىلىپ جاتقانىن جەتكىزدى. رەسمي مالىمەتتەردە ايتىلىپ جۇرگەندەي, قازاقستان, رەسەي مەن بەلارۋستىڭ جالپى ىشكى ءونىمى شامامەن 2 تريلليون اقش دوللارىن قۇراعان. ال ولاردىڭ وندىرىستىك الەۋەتى 600 ملرد. اۋىلشارۋاشىلىعى ونىمدەرىن ءوندىرۋ كولەمى 112 ملرد. دوللارعا جۋىقتاعان. ال جالپى تۇتىنۋ نارىعى 165-170 ميلليون ادامدى قامتىپ وتىر. جولدىباي بازار. دەرەككوز: «24kz». فوتو: specagro.ru.