استانا قالاسىنىڭ اكىمدىگى سايلاۋ ۋچاسكەسى تۋرالى مالىمەتتەردى ناقتى ۋاقىت رەجيمىندە كەلەسى تاسىلدەرمەن الۋعا مۇمكىندىك بەرەدى:
- ۆەب-قىزمەت: https://sailau.astana.kz/
- Telegram جەلىسىندەگى ارنايى چات-بوت: https://t.me/@sailau_astana_bot
- IKomek بىرىڭعاي بايلانىس ورتالىعى, 109 تەلەفونى بويىنشا.
«ازاماتتى داۋىس بەرۋدىڭ ناقتى سايلاۋ ۋچاسكەسىندەگى سايلاۋشىلار تىزىمىنە ەنگىزۋ ءۇشىن ونىڭ تۇرعىلىقتى جەرى بويىنشا, اتالعان سايلاۋ ۋچاسكەسىنىڭ اۋماعىندا تىركەلۋ فاكتىسى نەگىز بولىپ تابىلاتىنىن اتاپ ءوتۋ ماڭىزدى. مەكەنجاي مالىمەتتەرىن تىركەۋ, تۇزەتۋ جانە تەكسەرۋ ءۇشىن egov.kz «ەلەكتروندىق ۇكىمەت» پورتالى «ازاماتتىق, كوشى-قون جانە يمميگراتسيا → حالىقتى تىركەۋ جانە تىركەۋ ەسەبىنەن شىعارۋ» بولىمىنە نەمەسە «ازاماتتارعا ارنالعان ۇكىمەت» مەملەكەتتىك كورپوراتسياسىنا جۇگىنۋ قاجەت», دەلىنگەن حابارلامادا.
