اتالعان قالالارداعى مەتەورولوگيالىق جاعداي اتموسفەرادا لاستاۋشى زاتتاردىڭ جينالۋىنا ىقپال ەتەدى.
وسكەمەن, سەمەي جانە ريددەر قالالارىندا ەكىنشى دارەجەلى ەسكەرتۋ جاريالاندى.
رەسپۋبليكانىڭ قالعان قالالارىندا قولايلى مەتەوجاعدايلار كۇتىلۋدە.
قولايسىز مەتەوجاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىنىشتىق, ءالسىز جەل, تۇمان, ينۆەرسيا) جيىنتىعى. قولايسىز مەتەوجاعدايلار پايدا بولعان كەزدە ەلدى مەكەندەردەگى اتموسفەرالىق اۋا ساپاسىنىڭ ناشارلاۋى مۇمكىن.
لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى - سينوپتيكالىق جاعدايدىڭ بولجامى (جەل, جاۋىن-شاشىن, ىلعالدىلىق, اۋا تەمپەراتۋراسى). وسى بولجامعا سايكەس, 8 قازاندا ەلدىڭ سولتۇستىك ايماقتارىنىڭ اۋا-رايىنا تسيكلون شۇڭقىرى اسەر ەتەدى, نايزاعايمەن جاڭبىر جاۋادى, تۇندە سولتۇستىك-باتىستا جاۋىن-شاشىن بولادى (جاڭبىر, قار). رەسپۋبليكانىڭ كەي جەرلەرىندە جەل كۇشەيەدى, وڭتۇستىگىندە شاڭدى داۋىل, تۇندە سولتۇستىگىندە, باتىسىندا تۇمان بولادى دەپ كۇتىلۋدە.
