قوعام • 07 قازان، 2022

جۋرناليستەر اراسىنداعى جارىس

70 رەت كورسەتىلدى

حالىقارالىق تاراز يننوۆا­تسيالىق ينستيتۋتىنىڭ ۇيىتقى بولۋىمەن حالىق جازۋشىسى شەرحان مۇرتازانىڭ 90 جىلدىق مەرەيتويىنا وراي بيلياردتان باق وكىلدەرى اراسىندا تۋرنير ۇيىمداستىرىلدى. بۇل دودادا جاس جۋرناليستەر مەن ارداگەر جۋرناليستەر ەكى سانات بويىنشا توپقا ءتۇستى.

ءبيلياردتىڭ ەركىن پيراميدا دەپ اتالاتىن ءتۇرى بويىنشا وتكىزىلگەن دودانىڭ اشىلۋ سالتاناتىندا ءسوز سويلەگەن وقۋ ورداسىنىڭ پرەزيدەنتى، وب­لىستىق ءماسليحاتتىڭ دەپۋتاتى ەربولات ساۋ­رىقوۆ تۋرنير جىل سايىن ءداستۇرلى تۇردە ۇيىم­داس­تىرىلاتىنىن تىلگە تيەك ەتتى.

تىلشىلەر اراسىنداعى تۋرنير تار­تىسقا تولى جاعدايدا ءوتتى. جارىس قور­تىندىسىندا كوپتەگەن ءىرى دودادا جۇلدەلى ورىنداردان كورىنىپ جۇرگەن شۋ اۋداندىق «شۋ ءوڭىرى» گازەتىنىڭ باس رەداكتورى ەرعالي قارتايعان كەزەكتى مارتە ءوزىنىڭ شەبەرلىگىن دالەلدەپ، جەڭىستىڭ ەڭ بيىك تۇعى­رىنان كورىندى. ەكىنشى ورىن وبلىستىق دەنە شىنىقتىرۋ جانە سپورت باسقارماسىنىڭ ءباس­­­پاسوز حاتشىسى سەرىك تاجى­باي­عا بۇيىرسا، جاس جۋرناليست سامات ساتىلعانوۆ ۇزدىك ۇش­تىكتى تۇيىندەدى. ارداگەرلەر ارا­سىن­داعى سا­يىستا بەلگىلى جۋر­نا­ليست، قازاقستان جا­زۋشى­لار ودا­عىنىڭ مۇشەسى بەكەت مو­مىن­قۇلدىڭ اسىعى الشىسىنان ءتۇستى.

تۋرنير بارىسىندا ۇزدىك ويىن ورنەگىن كورسەتكەن جۇل­دەگەرلەر مەن وزگە دە جۋرناليستەر قاۋىمى ارنايى قارجىلاي سىيلىقپەن ماراپاتتالدى. وسىلايشا، وڭىردەگى جالعىز جە­­كەمەنشىك جوعارى وقۋ ورنى شەر­اعانىڭ مەرەي­تويىن ەلەۋسىز قالدىرعان جوق. ءدال وسى ءبىلىم ورداسىندا «شەرحانتانۋ» عىلىمي-زەرتتەۋ ورتالىعى جۇمىس ىستەپ تۇرعانىن ايتا كەتكەن ءجون. قازان ايىنىڭ سوڭىندا وتەتىن شەراعانىڭ مەرەيتويىندا حالىق­ارالىق تاراز يننوۆاتسيالىق ينستيتۋتىنا شەرحان مۇرتازانىڭ ەسىمى بەرىلمەك.

 

تاراز

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار