«تاعى ءبىر باستاما – پرەزيدەنتتىڭ وكىلەتتىگىن 7 جىلدىق ءبىر مەرزىممەن شەكتەۋ. مەن وسى شەشىم تۋرالى كوپ ويلاندىم. ءبىر ادامنىڭ ۇزاق ۋاقىت بيلىكتە بولۋى دۇرىس ەمەس دەگەن تۇجىرىمعا كەلدىم», دەپ اتاپ ءوتتى ەل پرەزيدەنتى.
سونداي-اق ول ەل باسقارۋعا جاڭا بۋىن وكىلدەرىنىڭ كەلۋى وتە ماڭىزدى ەكەنىن باسا ايتتى.
«مەملەكەتتىڭ تىرەگى – جالعىز پرەزيدەنت ەمەس, بۇكىل حالىق. سوندىقتان ەل باسقارۋعا جاڭا بۋىن وكىلدەرىنىڭ كەلۋى وتە ماڭىزدى. ءبىز ۇلت مۇددەسىن قورعايتىن جانە حالىققا ادال قىزمەت ەتەتىن ازاماتتارعا جول اشۋىمىز كەرەك. ناعىز مەملەكەتشىل, وتانشىل, بىلىكتى تۇلعالار جۇرتتى جاسامپاز ىستەرگە جۇمىلدىرىپ, قازاقستاندى وركەندەتە الادى. وسى ۇستانىم مىزعىماس قاعيداتىمىز بولۋعا ءتيىس», دەدى ق.توقاەۆ.
