«مەن قوعامدا زاڭدىلىق پەن ءتارتىپتىڭ قاتاڭ ساقتالۋىنا باسا ءمان بەرەمىن. مۇنى ۇنەمى ايتىپ ءجۇرمىن. وسى رەتتە, تۇرمىستىق زورلىق-زومبىلىق, ادام جانە ەسىرتكى ساۋداسى ءۇشىن جازا كۇشەيتىلدى. براكونەرلىككە قارسى زاڭداردى قاتايتتىق. تابيعاتتى قورعاۋ جۇمىسىن مەملەكەتتىك دەڭگەيگە كوتەردىك. «جۇرتقا جاقىن پوليتسيا» قاعيداتى بويىنشا ءتارتىپ ساقشىلارىنىڭ قىزمەتىن رەفورمالاۋ باستالدى», دەپ اتاپ ءوتتى پرەزيدەنت.
قاسىم-جومارت توقاەۆتىڭ ايتۋىنشا, قازاقستاندا ءبىلىم مەن عىلىم سالاسىنا نازار اۋدارۋ جالعاسا بەرەدى.
ء«بىز ءبىلىم, عىلىم سالاسىن دامىتۋعا ايرىقشا نازار اۋدارىپ وتىرمىز. قالا جانە اۋىل مەكتەپتەرى اراسىنداعى ايىرماشىلىقتى جويۋ ءۇشىن ناقتى شارالار قولعا الىندى. ءبىلىم ساپاسى تومەن جوعارى وقۋ ورىندارى جابىلا باستادى. دارىندى جاستاردى قولداۋ ءۇشىن «تاۋەلسىزدىك ۇرپاقتارى» اتتى گرانت بەرىلە باستادى. جاس عالىمدارعا الەمنىڭ بەدەلدى عىلىمي ورتالىقتارىندا وزىق ءبىلىم الۋ ءۇشىن 500 جانە «جاس عالىم» جوباسى اياسىندا 1000 گرانت ءبولىندى. جالپى, ءبىلىم بەرۋ جانە عىلىم سالاسى ءاردايىم مەملەكەتتىڭ نازارىندا بولادى. مەن بۇل سالالارعا ەرەكشە ءمان بەرەمىن. قوعامدا ءبىلىم ۇستەمدىگىن قالىپتاستىراتىن كەز كەلدى», دەپ تۇيىندەدى پرەزيدەنت.
