«تامىز ايىندا سارىاعاش ستانساسىندا (تۇركىستان وبلىسى) تاشكەنت-سامارا باعىتىنداعى جولاۋشىلار پويىزىن پاترۋلدەۋ كەزىندە ەسىرتكى ىزدەۋگە ۇيرەتىلگەن يت 26 جاستاعى پويىز جولسەرىگىن نۇسقاعان. كۇدىكتى وزبەكستان رەسپۋبليكاسىنىڭ ازاماتى بولىپ شىقتى», دەدى كولىكتەگى پوليتسيا باسقارماسى باستىعىنىڭ ورىنباسارى ەرلان جالماعامبەت.
جولسەرىكتىڭ ايتۋىنشا, ول ماريحۋانانى تاشكەنتتەن تاۋىپ الىپ, جەكە پايدالانۋى ءۇشىن اياق كيىمىنىڭ استىنا جاسىرىپ قويعان.
قازاقستان رەسپۋبليكاسى قىلمىستىق كودەكسىنىڭ 286-بابىنىڭ 1-بولىگى (كونتراباندا//اينالىمنان شىعارىلعان نەمەسە اينالىمى شەكتەلگەن زاتتاردى زاڭسىز الىپ ءوتۋ) بويىنشا سوتقا دەيىنگى تەرگەۋ جۇرگىزىلدى. ەر ادامعا 200 اەك كولەمىندە ايىپپۇل سالىندى.
جانسايا ءانۋار
