قازاقستان • 05 قازان، 2022

دەكلاراتسيانى قاتە تولتىرعانداردىڭ 759 ملرد تەڭگە بەرەشەگى بار

42 رەت كورسەتىلدى

مەملەكەتتىك كىرىستەر كوميتەتى مەملەكەتتىك قىزمەتشىلەردىڭ، ولارعا تەڭەستىرىلگەن ادامداردىڭ جانە ولاردىڭ جۇبايلارىنىڭ كىرىستەرى مەن مۇلكى تۋرالى دەكلاراتسيانى (270.00-نىسان) تولتىرۋ كەزىندە جىبەرىلگەن قاتەلىكتەرىنىڭ سالدارى جايلى باياندادى، دەپ حابارلايدى Egemen.kz.

جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ قورىتىندىسى بويىنشا 11 مىڭ مەملەكەتتىك قىزمەتشى، ولارعا تەڭەستىرىلگەن ادامدار مەن ولاردىڭ جۇبايلارىندا جەكە تابىس سالىعى بويىنشا 759 ملرد تەڭگە بەرەشەك جينالىپ قالعان.

«دەكلاراتسيالاردى تالداۋ كورسەتكەندەي، وزدىگىنەن سالىق سالىناتىن تابىس بولماعان جاعدايدا، بيۋدجەتكە تولەنەتىن جەكە تابىس سالىعىنىڭ سومالارى قاتە كورسەتىلگەن. مەملەكەتتىك كىرىستەر كوميتەتى دەكلاراتسيانى ازاماتتار ءوز بەتىنشە تەكسەرۋ قاجەتتىگى تۋرالى ەسكەرتەدى. قاتە تولتىرۋ انىقتالعان جاعدايدا دەكلاراتسيانىڭ «ە» بولىمىندە جەكە تابىس سالىعىنىڭ سوماسىن كەمىتىپ، قوسىمشا دەكلاراتسيانى تاپسىرۋ كەرەك»، دەپ جازىلعان حابارلامادا.

قاتەلەر تۇزەتىلمەگەن جاعدايدا جەكە سوت ورىنداۋشىلارى سالىق بۇيرىقتارى نەگىزىندە بانكتىك شوتتى جابۋى مۇمكىن.  

دەكلاراتسيانى دۇرىس تولتىرۋ سۇراقتارى بويىنشا تۇرعىلىقتى جەردەگى مەملەكەتتىك كىرىستەر ورگانىنا جۇگىنۋ قاجەت.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار