ء«بىلىم بەرۋ, دەنساۋلىق ساقتاۋ, سپورت جانە مادەنيەت ينفراقۇرىلىمىن دامىتۋ جۇمىستارى ازاماتتاردىڭ تۇرمىسىنا تىكەلەي اسەر ەتەدى. مەن ۇرپاقتىڭ ساپالى ءبىلىم الۋىنا باسا ءمان بەرىپ وتىرمىن. مەنىڭ باستاماممەن «جايلى مەكتەپ» ۇلتتىق جوباسى قولعا الىندى. ونى بۇكىل ەلىمىز بويىنشا جۇزەگە اسىرىپ جاتىرمىز», دەدى مەملەكەت باسشىسى.
پرەزيدەنتتىڭ ايتۋىنشا الداعى 3 جىلدا وڭىردە 28 مىڭنان استام بالاعا ارنالعان مەكتەپتەر سالىنادى.
«الداعى 3 جىلدا وسى ءوڭىردىڭ وزىندە 28 مىڭنان استام بالاعا ارنالعان جاڭا مەكتەپتەر سالىنادى. كەلەسى جىلى قۇرىلىس باستالادى. سوندىقتان, جەر تەلىمىن ءبولۋ جانە ونى كوممۋنالدىق جەلىلەرگە قوسۋ ماسەلەسى قازىردەن باستاپ شەشىمىن تابۋعا ءتيىس», دەپ تۇيىندەدى قاسىم-جومارت كەمەل ۇلى.
