«كولىك اپاتتارىنىڭ نەگىزگى سەبەپتەرى – جولداردىڭ ناشار جاعدايى. حالىق تاراپىنان جولدىڭ ساپاسىنا قاتىستى شاعىم وتە كوپ. ايتالىق, 26 قىركۇيەكتە اقتوبەدە تۇرعىندار اينالما جولدى جاۋىپ تاستادى. سەبەبى ول جولدا نە جارىق جوق, نە جاياۋ جۇرگىنشى وتەتىن جەر, نە قاۋىپسىزدىك ەلەمەنتتەرى جوق. مۇنىڭ ءبارى جول اپاتىنا الىپ كەلەدى», دەدى ءاليحان سمايىلوۆ.
ونىڭ ايتۋىنشا, جول قاۋىپسىزدىگى سالاسىندا بەينەكامەرالار مەن باسقا دا تەحنيكالىق باقىلاۋ قۇرالدارى جەتكىلىكسىز.
«رەسپۋبليكالىق ماڭىزى بار اۆتوجولداردا بەينەباقىلاۋ جۇيەسى تەك اقمولا وبلىسىندا عانا بار. ءبىزدىڭ باستى مىندەتىمىز – جول قاۋىپسىزدىگى, جول اپاتتارى مەن ودان قازا بولۋ جاعدايلارىن ازايتۋ بويىنشا كەشەندى شەشىمدەر قابىلداۋ», دەدى پرەمەر-مينيستر.
