قوعام • 04 قازان، 2022

جۇمىسقا ورنالاستىراتىن سۋپەرماركەت

38 رەت كورسەتىلدى

ەلەكتروندىق ەڭبەك بيرجاسى بازاسىندا بىرىڭعاي تسيفرلىق ەكوجۇيە قۇرىلادى. مۇنى جۇمىسپەن قامتۋ سالاسىنداعى ونلاين قىزمەتتەر سۋپەرماركەتى دەپ اتاۋعا دا بولادى. اتالعان ەكوجۇيە ازاماتتاردىڭ ماماندىق تاڭداۋىنان باستاپ ەڭبەك قاتىناستارىن رەسىمدەۋىنە دەيىن قولعابىس ەتەدى.

ەڭبەك جانە حالىقتى الەۋ­مەت­­تىك قورعاۋ مينيسترلىگى ءباسپا­سوز قىزمەتىنىڭ حابارلاۋىنشا، بۇگىنگى تاڭدا ەەب بازاسىندا جۇ­مىسپەن قامتۋ سالاسىنداعى بولا­شاق سۋپەرماركەتتىڭ 6 نەگىزگى قۇ­رامداس بولىگىنىڭ بەسەۋى ىسكە اسى­رىلدى. اتاپ ايتقاندا، جۇ­مىس­قا ورنالاستىرۋ بويىنشا بىر­ىڭ­عاي تسيفرلىق الاڭ – Enbek.kz. بۇل 205 جۇمىسپەن قامتۋ ورتالىعىنان، 44 جەكە جۇمىسپەن قامتۋ اگەنتتىگىنەن جانە 5 ونلاين جۇمىسپەن قامتۋ الاڭىنان بوس ورىنداردى شوعىر­لان­دىرادى. بۇل الاڭنان ازامات­تار باعىتتار، كاسىپتەر جانە داع­دى­لار بويىنشا لايىقتى بوس جۇ­مىس ورىندارىن، ال جۇمىس بە­رۋشىلەر تالاپ­تارىنا سايكەس كە­لەتىن قىز­مەت­كەرلەردى ىزدەي الادى. بۇل رەتتە ارمەنيا، بەلارۋس، قىر­عىزستان مەن رەسەيدىڭ ۇلت­تىق اقپاراتتىق جۇيەلەرىنە قول­جە­تىم­دىلىگى بار «شەكاراسىز جۇمىس» بىرىڭعاي ىزدەۋ جۇيەسى ار­قى­لى تەك قازاقستاندا عانا ەمەس، ەۋرازيالىق ەكونوميكالىق وداق ەلدەرىندە دە جۇمىس تابۋعا بولا­دى.

«ەەب ارقىلى جۇمىسپەن قام­تۋ سالاسىنداعى كورسەتىلەتىن مەم­لە­كەتتىك قىزمەتتەردى دە وڭاي الۋ مۇمكىن بولادى. وتكەن جىلى 126 مىڭ ادام ونلاين فورماتتا جۇمىسسىز رەتىندە تىركەلدى. پلات­فورما ارقىلى ازاماتتار جۇ­مىسىنان ايىرىلۋعا بايلانىستى الەۋمەتتىك تولەم الۋ، سۋب­سيديالانعان جۇمىس ورىندارى­نا جۇمىسقا ورنالاسۋ، جۇمىس كۇشى تاپشى ايماقتارعا قونىس اۋدارۋ ءۇشىن ءوتىنىش بەرە الادى. بيىل كورسەتىلەتىن مەملەكەتتىك قىز­مەتتەردى ەەب ارقىلى 314،2 مىڭنان اسا ادام پايدالاندى»، دەيدى «ەڭبەك رەسۋرستارىن دامىتۋ ورتا­لىعى» اق پرەزيدەنتى داۋلەت ارعىندىقوۆ.

سونداي-اق ەەب بازاسىندا حالىق ءۇشىن قاجەتتى داعدىلار بويىنشا Skills Enbek – ماركەتپلەيس كۋرستارىنىڭ ونلاين وقىتۋ پلاتفورماسى جۇمىس ىستەي­دى. بۇگىندە مۇندا 157-دەن اسا كۋرس ورنالاستىرىلعان، ولار­دىڭ 103-ءى – تەگىن. بۇل رەتتە 124 مىڭعا جۋىق ادام بەلگىلى ءبىر كۋرستان ءوتىپ، ءتيىستى داعدىلاردى يگەرۋ تۋرالى سەر­تيفيكات الدى.

«جۇمىسپەن قامتۋدىڭ تسيفر­لىق ينفراقۇرىلىمىنداعى تاعى ءبىر جاڭالىق جالدامالى جۇ­مىس­شىلاردىڭ ەڭبەك جولىن تسيفر­لىق ەسەپكە الۋ الاڭى رەتىندە HR Enbek پلاتفورماسىن اتاۋعا بولادى. بۇگىندە پلات­فورمانى 272 مىڭعا جۋىق جۇمىس بەرۋشى پايدالانادى، بۇل ەلدەگى بارلىق جالدامالى قىزمەتكەردىڭ 63%-ىن قامتيدى»، دەيدى د.ارعىندىقوۆ.

سونداي-اق جۇمىسپەن قامتۋ­دىڭ تسيفرلىق ەكوجۇيەسىنىڭ ما­ڭىزدى ەلەمەنتى – Business Enbek پلاتفورماسى. بۇل بيزنەس-يدەيالاردى ىسكە اسىرۋعا مەملەكەتتىك گرانتتار الۋدىڭ: ءوتىنىش بەرۋدەن باستاپ گرانتتىڭ ءوزىن الۋعا دەيىنگى بارلىق پروتسەستەرىن تولىق اۆتوماتتاندىرۋ ءۇشىن ىسكە اسىرىلعان. بارلىق قۇجاتتاما ەلەكتروندىق فورماتتا رەسىمدەلەدى. قازىرگى ۋاقىتتا 12 مىڭنان اسا ءوتىنىم ما­قۇلداندى. جىل سوڭىنا دەيىن بارلىعى 20 مىڭ گرانت بەرۋ جوس­پارلانىپ وتىر.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار