قازاقستان • 03 قازان، 2022

كۇزگى ناۋقان اياقتالىپ قالدى

78 رەت كورسەتىلدى

ءوڭىر ديقاندارى 4 ملن 700 مىڭ توننادان استام استىق باستىرىپ الدى. بيىل جاۋىن-شاشىننىڭ از تۇسكەنىنە قاراماستان، جەر ىرىسى مول بولىپ، بيداي بىتىك شىقتى. جالپى ءونىم كولەمى بىلتىرعى كورسەتكىشتەن 1،7 ملن تونناعا ارتىق. استىقتىڭ شىعىمدىلىعى گەكتارىنا 12 تسەنتنەرگە جۋىقتايدى. جەكەلەگەن القاپتاردا بۇل كورسەتكىش گەكتارىنا 18-20 تسەنتنەرگە دەيىن جەتەدى.

وبلىستىق اۋىل شارۋا­شى­لىعى جا­نە جەر قاتىناستارى باسقارماسىنىڭ ما­لى­مەتىنشە، بۇگىنگە دەيىن القاپتاعى اس­تىق­تىڭ 99،2 پايىزى ورىلعان. شارۋا­شىلىقتاردىڭ دەنى جەر ىرىز­دىعىن ىسىراپسىز جيناپ الىپ، كومبايندارىن قاڭتارىپ قويدى. ال جىتىقارا، قامىستى، قارابالىق، قوستاناي، مەڭ­دىقارا، سارىكول، ۇزىنكول اۋداندارىندا سوڭعى قالعان 2-3 مىڭ گەكتار استىقتى جيناپ الۋ جۇمىستارى اياقتالايىن دەپ قالدى.

قوستاناي اۋدانىنا قاراس­تى مايكول اۋىلىنداعى شارۋا­شى­لىق بيىل كوك­تەمدە 3،5 مىڭ گەكتار جەرگە ءدان ءسىڭىرىپتى. ەگىننىڭ شى­عىمى جامان ەمەس. گەكتارىنا 12-13 تسەنت­نەردەن كەلىپ تۇر. بۇل الا جازدايعى ديقان­داردىڭ تىنىمسىز ەڭبەگىنىڭ ناتيجەسى ەكەنى ءسوزسىز. شارۋاشىلىقتا قازىر سوڭعى قالعان 300 گەكتارداي جەردىڭ استىعىن ءتورت كومباين توقتاۋسىز ورىپ جاتىر.

– بيىلعى جاز جاڭبىرسىز بولدى دەۋگە بولادى. ءبىر-اق رەت دۇرىستاپ تۇرىپ جاۋدى. ودان كەيىن كۇن ىستىق، ىلعال وتە تاپ­شى بولدى. الايدا اگروتەحنولوگيا تالاپتارىن ساقتاۋدىڭ ناتي­جەسىندە مول ونىمگە قول جەت­­كىزدىك. ساپالى تۇقىم، ونى ۋاقىتىندا سەبۋ، توپى­راقتى حيميالىق وڭدەۋدەن وتكىزۋ، تى­ڭايتۋ، زيانكەستەرگە قارسى كۇرەس، وسىنىڭ ءبارى ءوز ناتيجەسىن بەردى. ەندى 300-دەي گەكتار قال­دى. سوڭعى اپتادا كۇن رايى بۇ­زىلىپ، جۇ­مىس توقتاڭقىراپ قا­لىپ ەدى، اۋا رايى اشىلا سالىپ قاي­تا شىقتىق. اۋا رايى كەدەرگى بولماسا، القاپ­تاعى جۇمىستى الداعى ءبىر-ەكى كۇننىڭ ىشىندە اياقتاۋدى جوسپارلاپ وتىرمىز. بيدايدىڭ ساپاسى دا وتە جاقسى – 3-سۇرىپ. ءونىمنىڭ قامىرلىلىعى دا جوعارى: وتىز بەستەن باستالىپ، قىرىققا دەيىن بارادى، – دەيدى شارۋاشىلىق باسشىسى تيموفەي سنيگيرەۆ.

وبلىستىق اۋىل شارۋاشىلىعى باسقار­ماسىنىڭ باس مامانى كەن­جە جۇمان­دىقوۆتىڭ ايتۋىنشا، وبلىستاعى استىق قوي­مالارىنا 8،3 ملن تونناعا دەيىن ءونىم سىيا­دى. بيىل الىنعان ءونىمنىڭ ءبارى استىق قابىل­داۋ پۋنكتەرى مەن اۋىلشارۋاشىلىق تاۋارلارىن وندىرۋشىلەردىڭ قويمالارىندا ساقتالادى.

– كۇزگى استىق جيناۋ جۇمىس­تارىنا فور­ۆاردىق ساتىپ الۋ باعدارلاماسى بويىنشا «ازىق-ت ۇلىك كەلىسىمشارت كورپوراتسيا­سى» ار­قىلى 36،1 ملرد تەڭگە بو­لىنگەن. ەندى بۇل قارجىنى دي­قاندار كولەمى 493 مىڭ توننا استىق تۇ­رىندە قايتارۋعا ءتيىس. بيىل اس­تىق جيناۋ ناۋقانى ويداعىداي ءوتتى. جاڭبىرعا بايلانىستى ءبىر-ەكى كۇن توقتاپ قالعانى بولماسا، ايتارلىقتاي قيىندىقتار بولعان جوق. اۋىلشارۋاشىلىق داقىلدارى بىرىڭعاي پىسكەن جوق. ويتكەنى بيىل جاۋىن-شاشىن ءار جەر­دە ارقالاي بولدى. سوندىقتان ءبىر جەردە گەكتارىنا 5 تسەنتنەر بەرسە، ەكىنشى جەردە 20 تسەنتنەرگە دەيىن ءونىم بەرگەن جاعدايلار بولدى. جالپى، بىلتىرعى قۋاڭشى­لىقپەن سالىستىرعاندا، بيىلعى استىق الدەقايدا جاقسى. جينالعان بيدايدىڭ 95 پايىزى ءۇشىنشى كلاسقا جاتادى. بۇل بيىلعى ءونىم­نىڭ شىعىمى عانا ەمەس، ساپاسى دا وتە جوعارى ەكەنىن كورسە­تەدى، – دەدى كەنجە جۇماندىقوۆ.

كۇن رايى جاقسى بولسا، وبلىس ەگىن ناۋ­قانىن وسى اپتادا اياقتاپ قالۋى مۇمكىن. ال مايلى دا­قىلداردىڭ كەيبىر ءتۇرى كەشىرەك پىسەدى. بيىل وڭىردە 748 مىڭ 300 گەكتار ال­قاپقا مايلى داقىل تۇقىمى سەبىلگەن. قازىر دي­قاندار 403 مىڭ 566 گەكتاردان 220 مىڭ 600 توننا ءونىم جيناپ الدى.

 

قوستاناي وبلىسى

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار