قازاقستان • 03 قازان، 2022

قازاقستان – «جىل مەملەكەتى»

41 رەت كورسەتىلدى

الماتىدا Red Jolbors XI ورتالىق ازيا كوممۋنيكاتسيالار فەستيۆالى ءوتتى. فەستيۆالگە قازاقستان، وزبەكستان، قىرعىزستان، ازەربايجاننان 450-دەن استام ادام قاتىستى. Red Jolbors اياسىندا ءبىلىم بەرۋ باعدارلاماسى ۇيىمداستىرىلىپ، ۇزدىك كوممۋنيكاتسيالىق جانە جارناما شەشىمدەرى بايقاۋى ءوتتى.

بايقاۋعا ورتالىق ازيا مەن ازەرباي­جان­نان 360-تان استام جۇمىس ۇسىنىلدى. ءىس-شارانىڭ قورىتىندىسى بويىنشا قازاقستان «جىل مەملەكەتى» اتاندى. بۇل اتاق حا­لىق­ارالىق قازىلار القاسىنىڭ داۋىس بەرۋ ناتي­جەلەرى بويىنشا ەڭ كوپ ۇپاي جيناعان ەلگە بەرىلەدى. ازەر­بايجاننىڭ Endorphin كومپانيا­سى «جىل­­دىڭ ەڭ ۇزدىك اگەنتتىگى» دەپ تانىلدى. قا­­زاق­ستان اتىنان قاتىسقاندارعا – 50، وزبەك­ستانعا – 24، ازەربايجانعا 13 ماراپات تاپسىرىلدى.

– Red Jolbors-تا ءبىز ارقاشان سالانىڭ ەڭ قىزىقتى جانە وزەكتى ماسەلەلەرىن كوتەرەمىز. جار­نامالىق اگەنتتىكتەردىڭ وكىلدەرى جانە ايماعىمىزدىڭ مار­كەتولوگتەرىنە تاجى­ري­­بەمىز­دى بولىسۋگە ۇزدىك ساراپشىلار­دى جيناۋعا تىرى­سامىز. بيىل­عى باي­قاۋ­دىڭ سپيكەر­لەرى مەن قا­زىلار القاسى جارناما جانە مار­كەتينگ سالاسىنداعى ەڭ بەدەلدى ماراپاتتاردىڭ يەگەر­لەرى بولدى، – دەدى Red Jolbors نەگى­زىن قالاۋشى سابينا رەينگولد.

دارىستەردىڭ، سونداي-اق پانەل­دىك پىكىر­تالاستاردىڭ سپي­كەر­­لەرى ءىرى جارناما اگەنت­تىكتە­رى­نىڭ، ەۋروپا، وڭتۇستىك كورەيا، گرۋزيا، قازاقستان، قىرعىز­­ستان، وزبەكستان، رەسەي كومپا­نيا­­لارىنىڭ وكىلدەرى بولدى. ولار وزدەرىنىڭ تاجىري­بەلەرىن اڭ­گىمەلەپ، شىعار­ما­شىلىق يدەيا­لاردى ازىر­لەۋ، مار­كەتينگ قۇرال­دارىنىڭ تيىمدى­لىگى، برەندتەردىڭ ءوسۋ مۇمكىن­دىك­تەرى، سەرىكتەستىك قۇرۋ، تسيفرلىق دي­زايننان كەيىنگى ديزاين، مار­كەتينگتەگى مەتاۆەرستەر، TikTok-قا ميلليونداعان اۋديتوريانى تارتۋ تۋرالى ايتتى. سونداي-اق Red Jolbors-تىڭ 2022 جىلعى نەگىزگى تاقىرىپتارىنىڭ ءبىرى ءومىر ءسۇرىپ جاتقان ورتانى جاقسى جاققا وزگەرتەتىن ESG جوبالارىن قۇرۋ جانە دامىتۋ توڭىرەگىندە بولدى.

سونىمەن قاتار ءىس-شارادا ءۇش ءتۇرلى پانەلدىك پىكىرتالاس ۇيىمداستىرىلدى. ولاردىڭ ءبىرى ورتالىق ازيا ەلدەرىندە كرەاتيۆتى ەكونوميكانى دامىتۋعا ارنالدى. وعان اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ قاتىستى.

– قازىر قازاقستان مەن ونىڭ مەم­لە­كەت­تىك ورگاندارى بيزنەس جانە قوعاممەن ءوزارا ءىس-قيمىلعا اشىق. ماڭىزدى قوعام­دىق ماسەلەلەردى شەشۋ ءۇشىن ءبىز شىعار­ماشىلىق سالالاردىڭ، كرەاتيۆتى يندۋستريا وكىلدەرىن تارتا وتىرىپ، ورتاق كۇش سالۋى­مىز كەرەك. ءوزارا ىنتىماقتاسۋ ارقىلى ءبىزدىڭ ودان ءارى دامۋىمىزعا ۇلكەن مۇمكىن­دىكتەر پايدا بولادى، – دەپ اتاپ ءوتتى ا.دانيلوۆ.

Red Jolbors – شىعارماشىلىق، كوممۋنيكاتسيالىق جانە جارناما اگەنتتىكتەرىنىڭ، ءوندىرىس جانە ديزاين ستۋديالارىنىڭ وكىل­دەرى، ماركەتولوگتەر، برەند مەنەد­جەرلەرى، PR ماماندارى، جارناما جانە ماركەتينگ سالاسىنىڭ ماماندارى ءۇشىن جىلدىڭ ەڭ ءىرى وقيعالارىنىڭ ءبىرى. Red Jolbors ميسسيا­سى – شىعارماشىلىق ين­دۋس­تريا وكىلدەرىنىڭ كاسىبي قا­ۋىم­داستىعىن قۇرۋ جانە دامى­تۋ. فەستيۆال ءاۋ باستا قىر­عىز­ستاندا قۇرىلدى، ال 2018 جىل­دان باستاپ جىل سايىن قازاق­ستاندا وتەدى.

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار