ايماقتار • 03 قازان، 2022

«ۇزدىك مامان-2022» جەڭىمپازدارى ماراپاتتالدى

106 رەت كورسەتىلدى

«QazaqGaz» ۇك» اق قۇرامىنا كىرەتىن «ينتەرگاز ورتالىق ازيا» اق-نىڭ جىل سايىن داستۇرگە اينالعان «ۇزدىك مامان-2022» دەپ اتالاتىن گاز سالاسى ماماندارىنىڭ كاسىبي شەبەرلىگىن بايقايتىن كونكۋرسى دا ءوز مارەسىنە جەتتى. «ينتەرگاز ورتالىق ازيا» اق وقۋ-كۋرستىق كومبيناتى فيليالىنىڭ شىمكەنت قالاسىنىڭ ىرگەسىندەگى اقبۇلاق اۋىلىندا ورنالاسقان وقۋ الاڭىندا وتكەن جارىستىڭ جەڭىمپازدارى العىس حات جانە باعالى سىيلىقتارمەن ماراپاتتالدى.

ەكى كۇنگە سوزىلعان بايقاۋدى وتكىزۋدەگى نەگىزگى ماقسات – كاسىبي داعدىنى جەتىلدىرۋ، ەڭبەكتىڭ وزىق ادىستەرى مەن تاسىلدەرىن تاجىريبەدە سىناپ، ماماندار اراسىندا تاراتۋ. سونىمەن بىرگە گاز تاسىمالداۋ جۇيەسىنىڭ اپاتسىز، جوعارى ءونىمدى جۇمىسىن جانە جوعارى تەح­ني­كا­لىق مۇمكىندىگىن قامتاماسىز ەتۋ ءۇشىن قىزمەتكەرلەردى سوعان مو­رال­دى جانە ماتەريالدى تۇرعىدا دا­يىنداۋ، ولاردىڭ مۇددەلەرىن ەسكەرۋ بولىپ تابىلادى. ءىس-شارا «QazaqGaz» ۇك» اق عىلىمي-تەحنيكالىق ورتالىعىنىڭ وقۋ پوليگونى بازاسىندا ۇيىمداستىرىلدى. بايقاۋعا الدىمەن يوا وندىرىستىك فيليالدارىندا ىرىكتەۋدىڭ ءبىرىنشى تۋرىنان سۇرىنبەي ءوتىپ، ۇزدىك ناتيجە كورسەتكەن 105 مامان قاتىستى.

باي­قاۋدىڭ ەكىنشى فينالدىق تۋرى 15 كونكۋرستىق ماماندىق بويىنشا پراكتيكالىق تاپسىرمالار ورىنداۋمەن قورىتىندىلاندى. ماسەلەن ولاردىڭ قاتارىندا ەلەكتر گازبەن دانەكەرلەۋشى، جەراستى گاز قۇبىرلارىن پايدالانۋ جانە جوندەۋ سلەسارى، ەلەكتر جابدىقتارىن جون­دەۋ جانە قىزمەت كورسەتۋ، ەلەكتر مونتەرى سىندى ماماندىقتار بار. كونكۋرستىق كوميسسيا بايقاۋعا قاتىسۋشىنىڭ وندىرىستىك الاڭدا ورىنداعان جۇمىسىنىڭ ساپاسىن، ەڭبەكتىڭ ۇتىمدى جانە قاۋىپ­سىز تاسىلدەرىن قولدانۋدى، قاتىسۋ­شى­نىڭ وندىرىستىك دەربەستىك دارەجەسىن، تاپسىرمانى ورىنداۋعا جۇمسالعان ناقتى ۋاقىتتى، سونداي-اق العاشقى مەدي­تسينالىق كومەك كورسەتۋ داعدى­لا­­رىن باعالادى.

«بۇگىندە گاز سالاسى ەلىمىزدىڭ يندۋستريالىق-يننوۆاتسيالىق دا­مۋى­نا جانە ۇلتتىق ەكونوميكاسىنا زور ۇلەسىن قوسۋدا. سوندىقتان ونىڭ كادرلىق الەۋەتىن دامىتۋ وتە ماڭىزدى ءىس بولىپ سانالادى. ەندەشە بۇگىنگىدەي اۋقىمدى كاسىبي جارىس­تى ۇيىمداستىرۋ – وسى ءسوزىمىزدىڭ ايقىن دالەلى. العاش رەت قولعا الىنعان ۋاقىتتان بەرى بۇل بايقاۋ كاسىبي ءوسۋدىڭ قۋاتتى ستيمۋلىنا اينالىپ ۇلگەردى. جانە بۇگىندە  وزىق ەڭبەك تاجىريبەلەرىمەن ال­ما­­سۋ­دىڭ تاماشا الاڭى سانالادى. ءوز كەزەگىندە «QazaqGaz» ۇلتتىق كوم­پانياسى قىزمەتكەرلەرىنىڭ ار­قاي­سىسى ءوزىن مامان ءارى جەكە تۇل­عا رەتىندە سەزىنىپ، سول ماقساتقا قول جەتكىزۋى ءۇشىن بار جاعداي مەن مۇم­كىندىكتى قاراستىرادى. بۇل رەتتە ءبىز وندىرىسكە، قاۋىپسىز ەڭبەك جاعدايلارىن ۇيىمداستىرۋعا، قىز­مەت­­كەرلەرىمىزدىڭ كاسىبي دەڭگەيى مەن ءومىر ءسۇرۋ ساپاسىن ارتتىرۋعا ەلەۋلى ينۆەستيتسيالار سالۋدامىز.

ايتالىق، گاز سالاسىنداعى قۇزى­رەت­تەر ورتالىعى – «QazaqGaz عتو» عىلىمي-تەحنيكالىق ورتالى­عىن قۇردىق. ەندىگى جەردە ول قازاق­ستان­نىڭ جانە شەتەلدىڭ جەتەكشى تەحنيكالىق جوعارى وقۋ ورىندارىن، حالىقارالىق گاز كومپانيالارىن ىنتىماقتاستىقتا جۇمىس ىستەۋگە شاقىرىپ وتىر.

البەتتە، بۇل باعىتتا بۇگىندە بەلسەندى جۇمىس اتقارىلىپ جاتىر. سەبەبى جاقسى وقىتىلعان جانە جوعارى بىلىكتى قىزمەتكەرلەر كوم­پانيانىڭ ءساتتى دامۋى ءۇشىن قۋاتتى نەگىز بولىپ سانالادى»،  دەدى «QazaqGaz» ۇك» اق باسقارما تورا­عاسىنىڭ ورىنباسارى مەيىربەك يحسانوۆ بايقاۋدىڭ سالتاناتتى اشىلۋ راسىمىندە سويلەگەن قۇتتىقتاۋ سوزىندە.

ۇلتتىق كومپانيا وكىلىنىڭ ما­لىم­­دەۋىنشە، گاز سالاسىن ۇنەمى دامىتىپ، جەتىلدىرىپ وتىرۋ ەڭ باس­تى ستراتەگيالىق مىندەت بولىپ سا­­نالادى. ال ونى جۇزەگە اسىرۋ بى­لىك­تى ماماندارسىز مۇمكىن ەمەس. سوندىقتان، مۇنداي كونكۋرستار ۇلت­تىق كومپانيانىڭ كادر ما­سە­­لەسى بو­يىنشا جىلدان-جىلعا الە­ۋە­تىن ءوسى­رىپ وتىرۋعا كەڭ جول اشادى. ويتكەنى كەز كەلگەن مەكەمەنىڭ تابىستىلىعى ونىڭ ماماندارىنىڭ بىلىكتىلىگىنە تىكەلەي بايلانىستى. وسى ورايدا «ۇزدىك مامان» كونكۋرسى «ينتەرگاز ورتالىق ازيا» اق جۇمىسشىلارىنىڭ جىل سا­يىن اسىعا كۇتەتىن، مۇمكىندىگىنشە قا­تى­سۋعا تالپىناتىن ءىس-شاراسىنا اي­نالعان.

گاز سالاسىندا تەر توگىپ جۇرگەن مامانداردىڭ اراسىنداعى بۇل جارىس جىل سايىن وتكىزىلىپ كەلەتىنىن جانە وسى كۇندە ول تۇراقتى ءارى ءداستۇرلى بايقاۋعا اينالعانىن ايتادى گاز سالاسى بويىنشا رەسپۋبليكالىق ارداگەرلەر ۇيىمىنىڭ توراعاسى ەرقانات تەمىرحانوۆ. قازاقستاننىڭ تۇكپىر-تۇكپىرىنەن ات ارىتىپ كەلەتىن ماماندار وسىندا وزدەرىنىڭ بىلىكتىلىكتەرىن كورسەتىپ، كوپتىڭ ورتاسىندا بايگەگە تۇسەدى. جارىستىڭ ناتيجەسىندە قاتىسۋشىلار ءتۇرلى سىيلىقتارمەن ماراپاتتالىپ، قوماقتى جۇلدەگە قول جەتكىزىپ جاتادى. ال بارىنەن بۇرىن ەڭ ماڭىزدىسى – ول بايقاۋدان جينايتىن مول تاجىريبەنى ارتتىرۋ، تانىسىپ-ءبىلىسۋ جانە ۇجىمىنىڭ، دوستارىنىڭ الدىندا ابىروي، سىيعا يە بولۋ.

– جالپى، مامانداردىڭ بىلىكتى بولۋى ەلىمىزدىڭ گاز سالاسىنداعى كاسىبي دەڭگەيدىڭ ارتۋىنا زور ۇلەس قوسادى. سول ارقىلى وسى سالاداعى كاسىبي شەبەرلىك ايقىندالادى دەسەك، قاتەلەسپەيمىز. ۋاقىت ءبىر ورىندا تۇرمايدى. جىلدان-جىلعا تەحنولوگيالار وزگەرىپ تۇرادى. سول ءۇشىن دە «ينتەرگاز ورتالىق ازيانىڭ» وقۋ الاڭىندا گاز تاراتۋ مەن گازبەن جابدىقتاۋدىڭ ەڭ وزىق تەحنولوگيالارىنىڭ ۇلگىلەرى بايقاۋعا قاتىسۋشىلارعا جىل سايىن تانىستىرىلىپ وتىرادى. ويتكەنى جۇمىسكەرلەر ءاردايىم بارلىق سيتۋاتسياعا دايىن بولۋى كەرەك. ماسەلەن، وقىس جاعداي ورىن العان ۋاقىتتا تەز شەشىم قابىلداپ، از ۋاقىت ىشىندە اقاۋدى جويۋى قاجەت. تالاپ بويىنشا «كوگىلدىر وتىن» كليەنتتەرگە توقتاۋسىز بەرىلۋگە ءتيىس. ال گاز تاراتۋدا ىركىلىستىڭ بولماۋىن قامتاماسىز ەتەتىن مامانداردىڭ قاي كەزدە دە بىلىكتىلىگى مەن تاجىريبەلىك شەبەرلىگى جوعارى دەڭگەيدە تۇرۋى كەرەك. سوندىقتان بايقاۋدىڭ جۇ­مىس­­كەرلەردىڭ كاسىبي دەڭگەيىن شىڭ­داۋ­عا، تاجىريبەلەرىن ارتتىرۋعا بەرەرى مول. ءارى بۇل كونكۋرستى تەك قا­راپايىم جارىس قانا ەمەس، سونىمەن بىرگە كەڭەسەتىن، جاڭا شەشىمدەر قا­بىلدايتىن، الداعى جوسپارلاردى اي­قىندايتىن الاڭ دەپ تە قاراۋ كەرەك. زامان تالابىنا ساي قازىر بارلىق ستاندارتتار مەن ەرەجەلەر وزگەرىپ جاتىر. ماسەلەن، قاۋىپسىزدىككە بايلانىستى جۇمىسكەرلەردىڭ كيىم­ فور­ماسى جاڭا ۇلگىگە كوشتى. وسى­عان وراي الەمدىك ستاندارتقا ساي قازاقستاندىق مامانداردىڭ دا كا­سىبي كيىم ۇلگىسى جاڭارۋدا. بۇل دا بولسا ۇلكەن جەتىستىك. ءوز رەتىندە وسىندا كونكۋرسقا قاتىسىپ، ءبىراز تاجىريبە جيناقتاپ، كورگەن-بىلگەن جاڭالىقتارىن ساناسىنا ءتۇيىپ ۇلگەرگەن ماماندار ەلگە ورالعان سوڭ وزدەرى دە ارىپتەستەرىنە كوپ نارسە ۇيرەتىپ، تاجىريبەسىمەن بولىسەتىن بولادى. سەبەبى وقۋ الاڭىنداعى بارلىق قۇرال-جابدىقتار مەن تەحنولوگيالار ماماندار كۇندەلىكتى جۇمىستا كورىپ جۇرگەن شىنايى جاعدايدىڭ دالمە-ءدال كوشىرمەسى. سوندىقتان بۇل بايقاۋ ءارى قاتىسۋشىلار ءۇشىن شەبەرلىگىن انىقتايتىن سىناق بولسا، ەكىنشىدەن، باسشىلىق ءۇشىن دە سالاداعى جالپى جاعدايدى سىرت­­تان باقىلاپ كورۋگە، بۇگىنگە دەيىنگى اتقارىلعان جۇمىستاردىڭ ناتيجەلەرىن ەكشەيتىن ەمتيحان. ءبىر قۋانارلىعى، بايقاۋ ارقىلى جۇمىسشىلاردىڭ دەڭگەيى جىلدان-جىلعا ءوسىپ كەلەدى. سونىڭ ءبىر ايعاعى، حالىقارالىق دەڭگەيدەگى وسىنداي كونكۋرستىڭ بىرىندە ءبىزدىڭ گازبەن، ەلەكترمەن دانەكەرلەۋشى ماماندارىمىز جۇلدەلى ءبىرىنشى ورىندى اكەلىپ وتىر. جوعارىدا ايتقانىمداي، زامان كوشىنەن قالماۋ – ءاربىر ازاماتتىڭ باستى مىندەتى. سونىڭ ىشىندە گاز سالاسىندا ەڭبەك ەتىپ جۇرگەن كىسىلەر دە ءوز ماماندىعى بويىنشا بۇگىنگى بارلىق وزىق تەحنولوگيانى جاقسى بىلۋگە ءتيىس. ءبىزدىڭ كەزىمىزدە قۇرال-جابدىقتار قاراپايىم بولسا، قازىر تسيفرلىق جۇيەگە نەگىزدەلگەن تەحنولوگيالار وتە كۇردەلەنىپ كەت­تى. دەگەنمەن كاسىبى گاز سالاسىنا نە­گىز­دەلگەن ءاربىر مامان بۇگىنگى زامان تەحنولوگياسىن اۋىر-جەڭىلدىگىنە قاراماي ءبىر كىسىدەي ءبىلۋى كەرەك. ال ءداستۇرلى بايقاۋ سول تالاپتىڭ ۇدە­سىنەن شىعىپ وتىرعان ەڭ باس­تى ءارى ماڭىزدى ءىس-شارانىڭ ءرولىن اتقارادى، – دەيدى ە.تەمىرحانوۆ.      

بايقاۋعا قاتىسۋشىلار بايقاۋ­دىڭ شارتتارى مەن تاپسىرمالارى ۇنەمى جەتىلدىرىلىپ وتىراتىندىعىن، ونەر­كاسىپتىك قاۋىپسىزدىك جانە ەڭبەك­تى قورعاۋ ەرەجەلەرىن بىلۋگە قويى­لاتىن تالاپتار ارتىپ كەلە جات­قانىن جانە قاتىسۋشىلاردىڭ دا­يىن­دىق دەڭگەيى جىل سايىن ءوسىپ كەلە جاتقانىن اتاپ ءوتتى.

– وسىدان 5 جىل بۇرىن اتالعان بايقاۋدا ءبىرىنشى ورىن الدىم. بىلتىر تاعى دا باعىمدى سىناپ كورىپ، ەكىنشى ورىنعا ىلىكتىم. بيىل دا بايگەگە ءتۇسىپ، قانشا ۋاقىت ارمانداپ كەلگەن ءبىرىنشى ورىن تۇعىرىنا كوتەرىلدىم. وسى سالادا جۇمىس ىستەپ كەلە جاتقانىما 12 جىل بولدى. ورال قالاسىنداعى №1 كاسىپتىك ليتسەيدە ءبىلىم العانمىن. سوسىن اسكەري بورىشىمدى وتەپ كەلگەن سوڭ، ەلەكتر گازبەن دانەكەرلەۋشى بولىپ جۇمىسقا ورنالاستىم. وزىمە جۇمىسىم ۇنايدى. مەكەمە بار­لىق جاعدايىمىزدى جاساپ وتىر. الدىمەن ىرىكتەۋ بولىپ، سول سىناقتان جوعارى ۇپاي الىپ شىقتىم. كەيىن فينالدىق بايقاۋعا قاتىسۋعا وسى جەرگە جىبەردى. وسى كونكۋرس ارقىلى ءوزىمنىڭ بىلىكتى، شەبەر مامان ەكەنىمدى دالەلدەگىم كەلدى. جارىس باستالعانعا دەيىن الدىن الا دايىندىقتا ءجۇردىم. ونىڭ ۇستىنە كۇندەلىكتى دانەكەرلەۋ ىسىمەن اينالىسقان سوڭ، تاجىريبە دە وزدىگىنەن شىڭدالا بەرەدى. جىل سايىن ەمتيحان تاپسىرامىز. جاڭا تەحنولوگيالار پايدا بولىپ جاتىر. ولاردى يگەرۋ ءۇشىن دە جىلدا ءبىلىمىڭدى جەتىلدىرىپ، بىلىكتىلىكتى ارتتىرىپ تۇرۋ قاجەت. بايقاۋدا ەلەكتر، گازدان بولەك ارگونمەن دانەكەرلەۋ بويىنشا دا جارىستىق. كەلەشەكتە دانەكەرلەۋ ىسىندە وسى ءتاسىل كەڭىنەن قولدانىلاتىن بولادى. دەگەنمەن ارگونمەن دانەكەرلەۋدى بايقاۋعا قاتىسپاي تۇرىپ مەڭگەرگەنمىن. ەڭ باستىسى، وسى بايقاۋ ارقىلى وزىمە كوپتەگەن دوس تاپتىم. وزگە وڭىرلەردىڭ ارىپتەستەرىمەن ەكى كۇن بويى جاقىن ارالاسىپ، ولاردان دا ءبىراز تاجىريبە ۇيرەندىم. سو­نى­مەن بىرگە «ۇزدىك مامان» كونكۋرسى جۇمىسقا دەگەن ىقىلاستى وياتىپ، ىنتانى كۇشەيتەدى. ويتكەنى ادام وزىنە ماقسات قويىپ، سول ارمانىنا جەتۋ ءۇشىن كۇندىز-ءتۇنى ەڭبەكتەنەدى، كوپ وقىپ، الداعى جا­رىس­قا تىڭعىلىقتى دايىندالادى. تاعى ءبىر ايتا كەتەرلىگى، ءار جىلعى بايقاۋدا جاڭا ءادىس-تاسىلدەر، تەحنولوگيالار پايدا بولىپ وتىرادى. ماسەلەن، بىلتىرعى كونكۋرستا تەك ەلەكترمەن دانەكەرلەۋ بويىنشا جۇلدەگە تالاسساق، بيىلعى جارىس­تا ارگوندى-دوعالدى دانەكەرلەۋ ءىسى قوسىلدى. سونداي-اق بيىلعى بايقاۋدا باسەكەلەستىك وتە جوعارى بولدى. توعىز ادام بىردەي جۇلدەگە يە بولۋعا ۇمتىلدى. بىلتىرعى جارىس­­تا قاتىسۋشىلار سانى بۇدان الدە­قايدا از ەدى، – دەدى ورال قا­لا­سىنان كەلگەن ەلەكتر گازبەن دانەكەرلەۋ نوميناتسياسى بويىنشا ءبىرىنشى ورىن العان مامان مارس ەرجانوۆ.  

بۇل بايقاۋدىڭ ەستە قالارلىق وقيعاسى – وقۋ الاڭىندا جارىسقان قاتىسۋشىلار ءبىر-بىرىنە ءوزارا ايتارلىقتاي وتكىر باسەكەلەستىك تۋدىر­دى. وسى رەتتە بايقاۋدى ۇيىم­داس­تىرۋشىلار بايگەدە باقتارىن سىناپ كورگەن ماماندارعا ءوز قابى­لەت­تەرىن تولىق اشىپ كورسەتۋگە مۇم­كىندىك بەردى جانە جارىستىڭ ءوز دەڭگەيىندە ءارى ءادىل وتۋىنە با­رىن­شا قولايلى جاعداي جاسادى. جارىس قورىتىندىسىندا كونكۋرس جەڭىمپازدارىنا ارنايى ديپلومدار تابىس ەتىلىپ، ەڭبەكاقىلارىنا جىلدىق ۇستەمەاقى بەلگىلەندى.

 

شىمكەنت

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار