«Ecoton Sharq» وندىرىستىك الاڭى تاشكەنت وبلىسىنىڭ انگرەن قالاسىندا, وزبەكستان استاناسىنان 80 شاقىرىم جەردە پايدالانۋعا بەرىلدى. جوباعا 12 ملن اقش دوللارى ينۆەستيتسيالانعان. جاڭا زاۋىت جىلىنا 300 مىڭ تەكشە مەتر, اتاپ ايتقاندا 5000 جايلى ءۇيدىڭ سالۋىنا اۋقىمى جەتەرلىك ءونىم شىعارادى دەپ كۇتىلۋدە.
زاۋىتتىڭ اشىلۋ سالتاناتىنا وزبەكستان رەسپۋبليكاسى مەن قازاقستان رەسپۋبليكاسىنىڭ رەسمي تۇلعالارى, سونداي-اق ەكى ەلدىڭ ءىرى قۇرىلىس كومپانيالارىنىڭ وكىلدەرى قاتىستى.
ءسوز سويلەۋ بارىسىندا «Ecoton» كومپانيا توبىنىڭ باسشىسى باۋىرجان بايمۇحانوۆ زاۋىتتىڭ اشىلۋى ەلدەر اراسىنداعى ساۋدا-ەكونوميكالىق ىنتىماقتاستىقتى ودان ءارى نىعايتۋعا جاڭا سەرپىن بەرەتىنىن جانە وزبەكستاننىڭ جانە باسقا ورتالىق ازيا ەلدەرىنىڭ قۇرىلىس نارىعىنداعى ەكولوگيالىق قابىرعا ماتەريالدارىنا سۇرانىستى قاناعاتتاندىرۋعا مۇمكىندىك بەرەتىنىن اتاپ ءوتتى.
زاۋىتتىڭ اشىلۋ سالتاناتىنان كەيىن قوناقتار وندىرىستىك الاڭداردى ارالاپ, قۇرىلىس ماتەريالدارىن شىعارۋ پروتسەسىمەن تانىسىپ, وزدەرىن قىزىقتىرعان سۇراقتارعا جاۋاپ الدى.
انگرەندەگى زاۋىت «Ecoton» كومپانياسى ءۇشىن التىنشى جوبا بولدى. بۇگىندە ونىڭ قۇرامىندا قازاقستاننىڭ اقتوبە, استانا, قاندىاعاش جانە العا قالالارىندا وندىرىستىك الاڭدارى بار. قازاقستانداعى «Ecoton» كومپانيالار توبىنىڭ اۆتوكلاۆتى گازوبەتون وندىرەتىن زاۋىتتارىنىڭ وندىرىستىك قۋاتى جىلىنا 550 مىڭ تەكشە مەتردى قۇرايدى, بۇل جىلىنا 1 ملن شارشى مەترگە تەڭ.
ايتا كەتسەك, «Ecoton» اق زاۋىتى قۇرىلىس نارىعىنىڭ ەڭ جوعارى تالاپتارىن قامتاماسىز ەتۋگە مۇمكىندىك بەرەتىن قۇرىلىس ماتەريالدارىن ءوندىرۋ بويىنشا قازاقستاننىڭ يننوۆاتسيالىق-تەحنولوگيالىق دامۋ باعدارلاماسى شەڭبەرىندە ىسكە اسىرىلدى. بۇگىنگى تاڭدا كاسىپورىن ءونىمى - جوعارى ساپالى قۇرىلىس ماتەريالدارىنىڭ ۇلتتىق برەندى.
