ءبىلىم • 03 قازان، 2022

بالالاردى ءسوز ونەرىنە باۋلىعان

53 رەت كورسەتىلدى

تابيعاتىنان جانى نازىك، ادام بالاسىنا تەك جاقسىلىق جاساپ، اي­نالاسىنا شاپاعاتىن شاشىپ، كوپشىلىككە قۋانىش سىيلاپ جۇ­رەتىن ادامدار بولادى. سونداي جاننىڭ ءبىرى – قازاق ءتىلى مەن ادە­بيە­تى ءپانىنىڭ بىلگىرى، ۇلاعاتتى ۇستاز، اقىن جۇماگۇل نالىباەۆا.

مەكتەپتە 8-9 سىنىپتاردا وقىپ جۇرگەن كەزىمىزدە تالاپتى اۋى­­لىندا اقىندار مەكتەبى بار ەكە­نىن، جۇماگۇل ەسىمدى قازاق ءتىلى مەن ادەبيەتى ءپانىنىڭ مۇعالىمى ءار سابا­عىندا ادەبيەتكە قۇشتارلىعى بار بالالاردى ولەڭ شىعارۋعا ما­شىق­تان­دىراتىنىن ەستىپ، اۋدان شە­تىن­دەگى اۋىلعا قاراي اڭ­سا­رىمىز اۋىپ تۇراتىن. باسقا وقۋشىلار سىرتىنان قىزىعا قارايتىن اۋدان ورتالىعىنداعى ۇل­كەن مەكتەپتە وقىسام دا، «شىر­كىن، سول مەكتەپتە وقيتىن وقۋ­شى­­لاردىڭ ارمانى جوق شىعار» دەپ، سول ساباققا قا­تى­سۋعا قۇمار­تا­تىنمىن. ارا-تۇرا اۋداندىق ما­دەنيەت سارايىندا وتەتىن ءداس­تۇرلى وقۋشىلار ايتىسىنا قا­تىسامىز، كوكمارداننان كەلە­­تىن دينا جارگوبەنوۆا، گۇلنۇر سادىباەۆا، نياتوللا بورىباەۆ، اباي ماحانوۆ، مۇحتار ماحانوۆ سياقتى قىز-جىگىتتەردىڭ ايتىسىن كورەمىز. جاندارىندا جاناشىر باپكەرى جۇماگۇل اپاي جۇرەدى. سونداي كەزدە سول قۇربىلارىما قىزىعا دا، قىزعانا قارايمىن.

مەنىڭ 8 سىنىپتا وقىپ جۇر­گەن كەزىمدە مەكتەبىمىزگە كۇلاش احمەتوۆا ەسىمدى مۇعالىم كەلدى. بىزگە اعىلشىن تىلىنەن ساباق بەردى. ءوزى ولەڭ شىعاراتىن، شى­عار­ماشىلىققا جانى قۇمار ول بىل­گەنىن ۇيرەتىپ، جاقىن تار­تىپ اڭگىمەلەسەتىن. بىردە كوك­­مار­دانداعى مەكتەپتەن اۋىسىپ كەلگەنىن، جۇماگۇل اپاي­مەن بىرگە جۇمىس ىستەگەنىن، اقىن­دار مەك­­تە­بىندە قانداي ءىس-شارالار وتكى­زىلەتىنىن، قالاسام مەنى سول مەك­تەپتەگى ۇيىرمەگە الىپ بارا­تىنىن ايتتى. مەن قۋانىپ، ۇيدە­گى­لەر­دەن سۇرانىپ، ارمانداپ، جەتە الماي جۇرگەن مەكتەپكە بارىپ، جۇماگۇل نالىباەۆانىڭ ۇيىرمەسىنە قاتىستىم.

اقىندىق ساباقتان بايقا­عا­­نىم، وقۋشىلار وتە ەركىن، ويىن اشىق­ ايتادى، ولەڭ شى­عا­رۋعا، ۇيقاس تۇرلەرىن اجىرا­تۋدا الدارىنا جان سالمايدى. ەم­تيحان تاپسىرۋعا بارعان ادام­­داي وزىمنەن-ءوزىم قى­سى­لىپ وتىر­عا­نىمدى بىلەمىن. قىس­تى­گۇنى بولۋ كەرەك، ساعات كەشكى 17:00-18:00 شاماسىندا كۇلاش اپايىمىز ەكەۋمىز اۆتوبۋسقا ءمىنىپ، اۋىلىمىزعا قايتتىق. كەتىپ بارا جاتىپ ء«بىزدىڭ ءۇي نەگە وسى اۋىلدا بولمادى ەكەن» دەپ قيالداعانىم ءالى ەسىمدە. سوندا مەن ءۇشىن بار­لىق قىزىق سول كوكماردان اۋى­لىن­دا قالىپ بارا جاتقانداي بو­لىپ كورىنگەن ەدى.

ارينە، مۇنىڭ ءبارى اقىندىق ونەرگە دەگەن قۇشتارلىقتان تۋعان سەزىم بولسا كەرەك. كەيىنى­رەك جوعارى وقۋ ورنىنا ءتۇسىپ، ستۋدەنت اتانعان كەزىمدە دە جۇ­ما­گۇل اپايدىڭ سابا­عى­نا قا­تىس­قىم كەلىپ جۇرەتىن. بىردە بەكارىس شويبەكوۆكە «بەكارىس، وسى جۇماگۇل اپاي نەگە جو­عا­رى وقۋ ورنىندا ساباق بەرمەيدى ەكەن. تۇك­پىردەگى اۋىلدا جۇرە بەرگەنشە ۇلكەن قالاعا كەلىپ، ۇل­كەن اۋديتوريالاردا ساباق بەرە­تىن ادام عوي» دەگەنىمدە، ول: «ونداي پەرىشتە اپايدىڭ سول پەرىشتە كۇ­يىندە اۋىل­دا ساباق بەرىپ جۇرە بەرگەنى دە دۇرىس شىعار»، دەگەن ەدى.

ونە­گە­لى ءومىر جولىندا تالاي اقىن شا­كىرت­ دايارلادى. ءاربىر وقۋ­شى­نى ءوز مامان­دى­عى­نىڭ شەبەرى بو­لۋعا جەتەلەدى. مىقتى مامان عانا ەمەس، جاقسى ازامات بولۋى ءۇشىن دە ايانباي تەر توكتى. وتىرار اۋدا­نىنداعى ءاربىر ادەبي-مادەني ءىس-شارا­لار­دىڭ جانىندا جۇزىنەن نۇرى توگىلگەن اقجارقىن اپايىمىز­دى كەز­دەستىرەمىز. مارجان ەسجا­نو­ۆا، ايگۇل اسانوۆا، اباي ما­حانوۆ، مۇحتار ماحانوۆ، دينا جارگوبەنوۆا، نياتوللا بورىباەۆ، مەيرامكۇل قۇرماناليەۆا، سەرىك سەيىتمان سياقتى ۇلتجاندى اقىن، جۋرناليست ۇل-قىزداردىڭ ناعىز ازامات بولىپ قالىپتاسۋىنا سىڭىر­گەن ەڭبەگى ايرىقشا.

قازاقتىڭ ايتىس ونەرىنىڭ اسپانىندا جارق ەتىپ جانىپ، جالت ەتكەن گۇلنۇر سادىباەۆا سىندى قىزعالداق اقىن قىزدىڭ ەسىمىن وشىرمەۋ ءۇشىن دە تالاي ساۋاپتى ءىس-شارالاردى ات­قا­رىپ كەلەدى. ءوزىنىڭ وسكەن-ونگەن جە­­رىن­دە جىل سايىن ەسكە الىپ، ولەڭ­دەرىن جاس جەتكىنشەكتەرگە جات­­­تاتقىزىپ، گۇلنۇر سادىباەۆا اتىن­­د­اعى اقىندار ايتىسىن، جازبا اقىن­داردىڭ ءمۇشايراسىن ۇيىم­داس­تى­رۋدى دا داستۇرگە اينالدىردى.

جۇماگۇل اپايىمىزدىڭ جۇ­رە­گىن جارىپ شىققان ولەڭ­دە­رى­نىڭ ءوزى ءبىر توبە. ول كىسى از بولسا دا ساز جازادى، ولەڭنىڭ سانىنا عانا ەمەس، ساپاسىنا باسا نازار اۋدارادى. «بالبۇلاق»، «سەن امان بول، باۋى­رىم»، «سىڭلىلەرىمە»، «ادۋىن ەنە»، «اكىمگە»، «قۇت مە­كەنىم – وتىرار»، ء«بىزدىڭ اۋىل» دەپ اتالاتىن ولەڭدەرىن وقي وتىرىپ، ادەمى ءبىر سەزىمگە بولەن­گە­نى­مىز­دى ايتا كەتكىمىز كەلەدى.

اقىن، يبالى كەلىن، اياۋلى جار، ارداقتى انا، بۇل كۇن­دە نە­مەرەلەرىنىڭ اجەسىنە اينال­عان جۇماگۇل نالىباەۆا سانالى عۇمى­رىن بالا وقىتۋعا ارناعان ۇلا­عات­تى ۇستاز. جاي عانا قاتارداعى مۇعالىم ەمەس، ءاربىر وقۋشىنى جەكە تۇلعا دەپ قابىلدايتىن، تالاي بۇ­لاق­­تىڭ كوزىن اشقان، بۇل كۇندە ەلى­­م­ىز­دىڭ تۇكپىر-تۇكپىرىندە ءتۇرلى قىزمەت ات­قارىپ جۇرگەن ەل ازامات­تا­رى­نىڭ سۇيىكتى تالىمگەرى.

 

انار جاپپارقۇلوۆا،

ءال-فارابي اتىنداعى قالالىق عىلىمي-امبەباپ كىتاپحاناسىنىڭ ديرەكتورى،

فيلولوگيا عىلىمدارىنىڭ كانديداتى

 

شىمكەنت

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

قاراۋسىز مال اپاتقا ۇرىندىرادى

ايماقتار • بۇگىن، 08:02

كولىك گازىنا ۋلانعان

ايماقتار • بۇگىن، 07:59

قۇمار ويىننىڭ قۇرباندارى

قوعام • بۇگىن، 07:56

سۇلۋلىق ساپارى

رۋحانيات • بۇگىن، 07:54

ۇقساس جاڭالىقتار