«بيىلعى رەفەرەندۋم ناتيجەسى باعدارىمىزدىڭ دۇرىستىعىن كورسەتتى. جۇرتشىلىق اتا زاڭعا ۇسىنىلعان وزگەرىستەردى قولدادى. كونستيتۋتسيالىق رەفورما ساياسي جاڭعىرۋ جولىنداعى ماڭىزدى قادام بولدى. بيلىك تارماقتارى اراسىنداعى تەپە-تەڭدىك نىعايا ءتۇستى. «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتى ورنىقتى. بۇل پرەزيدەنتتىك رەسپۋبليكا بولادى دەگەن ءسوز. راسىندا, ەل باسقاراتىن پرەزيدەنت قۇزىرلى, كۇشتى بولۋى كەرەك. ايتپەسە, كەيبىر باسقا ەلدەردەگى سياقتى تارتىپسىزدىككە ۇشىراۋىمىز مۇمكىن. ال, ونداي جاعداي حالقىمىزعا قاسىرەت اكەلەدى», دەدى مەملەكەت باسشىسى.
ونىڭ ايتۋىنشا, كەلەسى جىلى ءماجىلىس پەن ءماسليحات دەپۋتاتتارى تىڭ ءتاسىل, ياعني ارالاس جۇيە بويىنشا سايلانادى.
ء«وڭىر باسشىلارى بالامالى جولمەن تاڭدالادى. اۋىل اكىمدەرىن تىكەلەي سايلاۋ ءتاسىلى ەنگىزىلدى. ساياسي پارتيالارعا زاڭ جۇزىندە تىڭ مۇمكىندىكتەر بەرىلدى. جۇرتتىڭ مەملەكەتتى باسقارۋ ىسىنە اتسالىسۋىنا جول اشىلدى», دەدى ق.توقاەۆ.
