بۇل ەسىم جانكۇيەرلەرگە جاقسى تانىس. سەرگەي پروكوپەۆيچ 1938 جىلدىڭ 6 قازانىندا وسكەمەندە تۋىپ-ءوستى. ول وتباسىنداعى 12-پەرزەنت ەدى. بوزبالا شاعىنان فۋتبولعا قىزىققان كۆوچكيننىڭ جۇلدىزدى ساتتەرى «قايراتتا» ءوتتى. 1959-1969 جىلدار ارالىعىندا الماتىلىق كلۋبتىڭ ساپىندا 292 رەت جاسىل الاڭعا شىققان شابۋىلشى قارسىلاستارى قاقپاسىن 74 مارتە ءدال كوزدەدى. بۇل – سول كەزدەگى قازاقستاندىق فۋتبولشىلار اراسىنداعى ەڭ ۇزدىك كورسەتكىش ەدى. سەرگەي 1962 جىلى كسرو كلۋبتارى قۇرامى ساپىندا وڭتۇستىك امەريكادا وتكەن جولداستىق كەزدەسۋلەرگە قاتىستى. سول كەزدە ول ريو-دە-جانەيروداعى ايگىلى «ماراكانا» ستاديونىندا برازيليانىڭ وليمپيادالىق كومانداسىنىڭ قاقپاسىنا جەڭىس گولىن سوقتى.
ۇلكەن سپورتتان قول ۇزگەننەن كەيىن سەرگەي كۆوچكين قازاقستاننىڭ بىرقاتار كلۋبىن جاتتىقتىردى. ول 2009 جىلدىڭ 29 جەلتوقسانىندا 70 جاسقا قاراعان شاعىندا قايتىس بولدى.
