قوعام • 29 قىركۇيەك، 2022

قاۋىپسىزدىك قىزمەتىندەگى قىراعى يتتەر

65 رەت كورسەتىلدى

قاي كەزدە دە قىراعى يتتەر – قاۋىپسىزدىك قالقانى، بارلىق دەرلىك قۇقىق قورعاۋ ورگاندارى قىزمەتكەرلەرىنىڭ تاپتىرماس كومەكشىسى بولىپ قالا بەرەدى. جاقىندا الماتىداعى وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز بريفينگىنە قالاداعى تالاي قىلمىستىق وقيعاعا كۋا بولعان بەلگيالىق استرا دەيتىن توبەت تە قاتىستى.

ءىىم كينولوگيا ورتالى­عى­نىڭ باسشىسى، پوليتسيا پول­كوۆ­نيگى نۇسقابەك زاۋلانباەۆ قىز­مەت تۇرىنە قاراي يتتەر كۇدىكتى ادامداردى، ەسىرتكى، جارىلعىش زات­تار مەن شابۋىلداۋشىلاردى ىزدەۋشى يتتەر بولىپ بولىنەتىنىن ايتادى. سپيكەر قىلمىستى اشۋدا قىزمەتتىك ءيتتىڭ ءرولى كۇن سا­يىن ارتىپ كەلە جاتقانىن ناق­تى دە­رەكتەرمەن دايەكتەي كەلە: «ەلىمىزدە سوڭعى 8 ايدا ىز­دەس­تىرۋ يتتەرىنىڭ قاتىسۋىمەن 4292 قىلمىستىڭ بەتى اشىلسا، ونىڭ 618-ءى ەسىرتكى قىلمىسى. وسى­لاي­شا، 355 كيلو ەسىرتكى زاتتارى تار­كى­لەنىپ الىندى. ونىڭ 6 كيلو 130 گرام­مى سينتەتيكالىق زاتتار»، دەدى.

كينولوگيا ورتالىعىنىڭ باسشىسى بيىل تامىز ايىندا الماتى وبلىسىندا وتكەن «قا­را­­سورا» جەدەل الدىن الۋ ءىس-شا­راسى اياسىندا ءيىسشىل ءيتتىڭ ارقاسىندا 290 گرامم گەروين تابىلىپ، تاركىلەنگەنىن دە مىسالعا كەلتىردى. ورتالىق قىز­مەتكەرى يتتەردىڭ ادامدى ءيىسى، ءىزى ارقىلى تابۋعا جانە جا­رىلعىش زاتتار مەن ەسىرتكى قۇرال­دارىن ىزدەۋگە قالاي ۇيرە­تىلەتىنىن ءتۇسىندىرىپ ءوتتى. يت­تەر­دىڭ كەرەمەت ءيىس سەز­گىش­تىك قاسيەتى ودورولوگيالىق ساي­كەس­تەن­­دىرۋگە، ياعني يىستەردى تەك­سە­رۋگە مۇمكىندىك بەرىپ، قىل­مىس­تاردىڭ ءىزىن سۋىتپاي اشۋعا سەپ­تە­سىپ وتىرعانىن دا ايتتى.

«كينولوگيا ورتالىعى يت­تەر­دى قىزمەت ەتۋگە ماشىق­تان­دى­رىپ قانا قويماي، كينولوگ مامانداردى دا وقىتادى. الماتى قالاسىنىڭ تۇركسىب اۋدانىندا ورنالاسقان ورتالىقتا قىزمەتتىك يتتەردى ساپالى دايىنداۋ ءۇشىن بارلىق جاعداي جاسالعان. جاقسى ماتەريالدىق-تەحنيكالىق بازا قۇرىلدى، مۇندا بەلگيالىق، نە­مىس جانە شىعىس ەۋروپالىق يتتەر وسىرىلەدى. جىل سايىن قىلمىسپەن كۇرەس جانە قوعامدىق ءتارتىپتى قورعاۋدى جۇ­زەگە اسىراتىن 50-گە جۋىق قىز­مەتتىك يت دايىندالادى. سو­نى­مەن قاتار وقىتۋ كۋرسىنان 150-دەن استام كينولوگ پەن سونشا يت دايىندىقتان وتەدى»، دەيدى نۇسقابەك زاۋلانباەۆ.

ارنايى دايىندىق بولىم­شە­سىنىڭ اعا جەدەل ۋاكىلى، پوليتسيا كاپيتانى رۋسلان قانافين ورتا­لىق­قا پوگون تاققان كينولوگتەر ار­نايى وقۋ-جاتتىعۋدان ءوتۋ ءۇشىن ءوز يتتەرىمەن بىرگە كەلەتىنىن ايتادى. «باستاپقىدا بارلىق يت سىناقتان وتەدى، باسقا تىلمەن ايتقاندا، يتتەردىڭ «تالانتتارى» بەل­گىلى ءبىر باعىتتا انىقتالادى»، دەيدى نۇسقاۋشى.

«بۇل رەتتە بارلىق يت الەۋ­مەتتەنۋ مەن بەيىمدەلۋدەن وتە­دى، ويتكەنى ولار الماتىعا كلي­ماتتىق جاعدايى باسقا وزگە وڭىرلەردەن دە كەلەدى. سونىمەن قاتار كينولوگتەر الدىمەن يتتەر اۋىرعان جاعدايدا كورسەتىلەتىن مەديتسينالىق كومەك كورسەتۋ كۋرس­تارىنان وتەدى. سونداي-اق كينولوگتەر يتتەردى وقىتۋ تاكتيكاسىنا، مىنەز-قۇلقىن تەم­پە­رامەنتىن اجىراتا بىلۋگە داعدىلانىپ، كۋرس سوڭىندا سى­ناق تاپسىرادى»، دەيدى رۋسلان قانافين.

پوليتسيا كاپيتانى ۇيرەتىلگەن يتتەر ەسىرتكىمەن «تاماق­تان­دى­رى­لا­دى» دەگەن اڭىزداردى جوققا شىعاردى. بارلىق وقۋ-جاتتىعۋ بەلگىلى ءبىر ادىسكە نەگىزدەلگەن. ءدامدى تازارتۋ، ويىن ءادىسى، باسۋ ءادى­سى جانە باسقا دا تۇرلەرى بار. كە­ڭىنەن تاراعان ءادىس – دوپ قول­دانۋ ويىنى.

وڭىرلىك كوممۋنيكاتسيالار قىز­مەتى الاڭىندا باق وكىل­دە­رىنە بەلگيالىق توبەت استرا تۋرا­لى بەينەبايان كورسەتىلدى. اسىل تۇ­قىم­دى يتتەر پيتومنيگى باس­تى­عى­نىڭ مىندەتىن اتقارۋشى، پوليتسيا اعا لەيتەنانتى اسحات النۇر ءوز قامقورلىعىنداعى توبەتتىڭ جا­رىل­­عىش زاتتى قالاي ىزدەيتىنىن كور­سەتتى.

ماماندار باق وكىلدەرىنىڭ سۇراقتارىنا جاۋاپ بەرە وتىرىپ، بار­لىق قىزمەتتىك يت قور­شال­عان ارنايى ايماقتا ۇستا­لا­تى­نىن، ءۇي جانۋارلارىن كۇنىنە 2 رەت قۇرعاق جەممەن اسىرايتىندارىن ايتتى. كينولوگتەردىڭ ايتۋىن­شا، قىزمەتتىك يتتەر 8 جىلدان كە­يىن «زەينەتكە» شىعادى. «بىراق تو­بەت­تەردىڭ دەنساۋلىعى ودان ءارى قىز­مەت ەتۋگە جاراسا، مەرزىم 10 جىلعا دەيىن سوزىلۋى مۇمكىن»، دەيدى ورتالىق قىزمەتكەرلەرى.

 

الماتى

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار