مۇنداي ءۇي 4 پەداگوگكە ساران مەن اقتاس قالاسىنان بۇيىرىپ وتىر. ءبىلىم باسقارماسىنىڭ مەنشىگىندە بۇل ەكى قالادا 24 پاتەر بار. ال ەندى عانا پاتەرلى بولعاندار اراسىندا جاس ماماندارمەن بىرگە سۇرانىسقا يە مۇعالىمدەر دە بار ەكەنىن ايتادى قاراعاندى وبلىستىق ءبىلىم باسقارماسىنىڭ باسشىسى گۇلسىم قوجاحمەتوۆا.
قىزمەتتىك پاتەرگە قاتىستى وتىنىشتەر ارنايى تۇرعىن ءۇي كوميسسياسىندا قارالدى. بارلىعى 7 ءوتىنىش كەلىپ تۇسكەن. كوميسسيا وتىرىسىنان سوڭ 4 ءوتىنىش ماقۇلدانىپ, پاتەر يەلەرىمەن كەلىسىمشارت جاسالدى.
ء«بىلىم-يننوۆاتسيا №2» ليتسەيىندە تاريح پانىنەن ساباق بەرەتىن پەرۋزا جايىقباەۆا – قىزمەتتىك پاتەر العان مۇعالىمنىڭ ءبىرى. ونىڭ ەڭبەك ءوتىلى 18 جىل ەكەن. بۇعان دەيىن 15 جىلعا جۋىق پاتەر جالداپ كەلىپتى.
– مەن قىزىلوردا ءوڭىرىنىڭ تۋماسىمىن. قاراعاندىعا 2007 جىلى كوشىپ كەلدىم. كوپ جىلدان بەرى بالالارىممەن ءۇي جالدادىم. وڭاي ەمەس, ارينە. پاتەردى جالعا بەرۋشىلەر ءجيى تولەمدەرىن ءوسىرىپ جىبەرەتىن. ءتىپتى كەيدە ەسكەرتپەستەن تۇرىپ جاتقان ءۇيىمىزدى ساتىپ جىبەرگەن كەزدەر دە بولدى. قىزمەتتىك پاتەر بەرىلگەنىنە قۋانىشتىمىن. ەندى تەك كوممۋنالدىق قىزمەتتەر اقىسىن تولەيمىن. بۇل – مۇعالىمگە ۇلكەن كومەك, – دەيدى پەرۋزا جايىقباەۆا.
بۇگىندە ءبىلىم باسقارماسىنىڭ مەنشىگىندەگى بارلىق قىزمەتتىك پاتەر ۇستازدارعا بەرىلگەنىن اتاپ وتكەن ءجون.
قاراعاندى وبلىسى
