پىكىر • 29 قىركۇيەك، 2022

جاۋاپكەرشىلىك جۇكتەگەن جولداۋ

57 رەت كورسەتىلدى

مەملەكەت باسشىسى 1 قىركۇيەكتەگى جولداۋىندا ءبىلىم بەرۋ جۇيەسىنە ەرەكشە نازار اۋداردى. مۇنىڭ ۇلت ساپاسىن جاقسارتۋ ىسىندە اسا ماڭىزدى ءرول اتقاراتىنىن دا اتاپ ءوتتى. اسىرەسە مەكتەپكە دەيىنگى تاربيە جۇمىسىنا نازار اۋدارعانى قۋانتتى.

شىنىندا دا، قاسىم-جومارت توقاەۆ اتاپ وتكەن­دەي، مەك­تەپكە دەيىنگى تاربيە جۇ­مىسى باستى نازار­دا بولۋى كەرەك. «الايدا بىزدە ەكىدەن ال­تى جاسقا دەيىنگى بالا­لار­دىڭ جار­تىسىنان استامى عانا بالا­­باق­شاعا بارادى. مۇنداي ولقى­لىققا جول بەرۋگە بولمايدى. بالا­لار­دى بالا­باقشامەن قام­­تا­ما­سىز ەتۋ ماسە­لە­سىن تۇپ­­­كىلىك­تى شەشۋ قاجەت. وعان قو­­سا، تاربيەشىلەردىڭ الەۋ­­مەت­­­­تىك مار­تەبەسىن ارتتى­رىپ، جال­اقى­­سىن كوبەي­تۋ كەرەك. وسى سالاداعى مامان­دارعا قويى­­لاتىن ناقتى تالاپتار بەكى­­­تىلۋگە ءتيىس. ولاردىڭ جۇ­­مىس جۇك­تە­مەسىن دە بىر­تىن­دەپ ازايت­قان ءجون. ءوز ىسىنە ادال ۇستازدار ءبى­لىم بەرۋ سا­لا­سى­نىڭ دامۋىنا زور ۇلەس قوسا­دى. سون­دىقتان بالا­باق­شانى ەمەس، تار­بيە­شىنى ات­­تەس­­تاتتاۋ قاجەت»، دەدى پرەزيدەنت.

مەملەكەت باسشىسىنىڭ ايت­قان­دارى كوپشىلىكتىڭ كو­كە­يىندە جۇرگەن دۇ­نيە ەدى. سون­دىقتان مۇنى ءبىز، بالا­باق­شا تار­بيە­شىلەرى جاقسى قابىل­دا­دىق. سون­داي-اق پرەزيدەنت وسى ارقىلى تار­بيە­شىلەرگە جۇك­تەلەتىن جاۋاپ­كەر­شىلىك­تىڭ قانشالىقتى زور ەكەنىن دە اڭعارتتى.

جالپى، قازىرگى زامان اعىمى تاربيەشىلەردەن جان-جاقتىلىقتى تالاپ ەتەدى. ءبىلىمى مەن بىلىكتىلىگىن ۇنەمى جەتىلدىرىپ وتىرماسا، باسەكە­گە قابىلەتتىلىگى تومەندەيدى. راس، سوڭ­عى ۋاقىتتا الەۋمەتتىك جەلىلەر­دەن بالاباقشالاردا بالا­لاردى ۇرىپ-سوعۋ وقيعا­لارىن بايقاپ قا­لىپ ءجۇرمىز. قوعامداعى قىزۋ تال­قى­­لا­ناتىن تاقىرىپتاردىڭ دا بىرى­­نە اينالىپ بارادى. وسىنداي كە­لەڭ­سىزدىكتەردى بولدىرماس ءۇشىن تار­بيەشىگە ارتىلاتىن جاۋاپكەر­شىلىكتى ارتتىرۋ كەرەك. سوندىقتان تار­بيە­شىنى اتتەستاتتاۋ – ورىندى قادام.

ينفوگرافيكانى جاساعان امانگەلدى قياس، «ەQ»

ينفوگرافيكانى جاساعان امانگەلدى قياس، «ەQ»

 

وقۋ-اعارتۋ مينيسترلىگى كەلەسى جىلدان باستاپ پرە­زيدەنت تاپسىر­ماسى بويىنشا بالاباقشا تاربيە­شىلەرى­نىڭ، مەكتەپتەر مەن كوللەدج مۇعالىمدەرىنىڭ، سونداي-اق قوسىمشا ءبىلىم بەرۋ جۇيەسى ماماندارىنىڭ جالاقىسى 25 پايىزعا وسەتىنىن حابارلادى. سونداي-اق بالاباقشا تاربيەشىلەرى تولتىرۋعا مىن­دەت­تى قۇجات­تاردىڭ سانى ازايا­تىنى تۋرالى دا ايتىل­دى. بىزدىڭشە، مۇن­داي جاڭا­شىل­دىقتاردىڭ ءبارى تاربيە­شىلەر­دىڭ جۇمىسىنا وڭ اسەر ەتەدى.

بۇعان دەيىن جولداۋ سەكىل­دى ىرگەلى سترا­تەگيالىق قۇجات­تاردا بالاباقشاعا قاتىستى دۇنيەلەر جالپىلاما عانا ايتىلاتىن. بۇل جولى ناقتى تاپسىرمالار بەرىلدى. سوندىقتان الداعى كۇننەن ۇلكەن ءۇمىت كۇتىپ وتىرعان جايىمىز بار.

 

شولپان راحيموۆا،

№23 مەكتەپكە دەيىنگى گيمنازيا تاربيەشىسى

 

ەكىباستۇز

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار