قازاقستان • 29 قىركۇيەك، 2022

بىرلىگىمىزگە سىزات تۇسپەسىن

59 رەت كورسەتىلدى

پارلامەنت سەناتىنىڭ توراعاسى ماۋلەن اشىمباەۆ مەملەكەت باسشىسى قاسىم-جومارت توقاەۆتىڭ تۇركىستان وبلىسىنىڭ جۇرتشىلىعىمەن كەزدەسۋىنە وراي فەيسبۋك الەۋمەتتىك جەلىسىندە جازبا قالدىردى.

«قازىر بۇكىل الەم تولقىپ تۇر. گەوساياسي جاعداي شيەلەنىسىپ، حالىقارالىق احۋالدىڭ قيىنداي تۇسكەنىن ءبارىمىز كورىپ وتىرمىز. جاھان جۇرتى، شىن مانىندە، كۇردەلى كەزەڭدى باستان وتكەرۋدە. وسىنداي ساتتە مەملەكەتتىلىكتى ساقتاۋ، ەلدىكتى نىعايتۋ دەگەن ماسەلەلەردىڭ ماڭىزى ارتا تۇسەتىنى انىق.

بۇگىن مەملەكەت باسشىسى قاسىم-جومارت كەمەل ۇلى توقاەۆ تۇركىستان وبلىسىنىڭ جۇرتشىلىعىمەن كەزدەسۋدە وسى جايتقا نازار اۋدارىپ، تۇراقتى ءوسىپ-وركەندەۋىمىز ءۇشىن ەل بىرلىگى اۋاداي قاجەت ەكەنىن اتاپ ءوتتى. پرەزيدەنتىمىز ايتقانداي، بىرلىك – بەيبىتشىلىك پەن تىنىشتىقتىڭ كەپىلى. سوندىقتان ءار ىستە پاراساتتىلىق پەن سابىرلىق تانىتۋ ەلىمىزدىڭ اماندىعى مەن جەرىمىزدىڭ بۇتىندىگى ءۇشىن اسا ماڭىزدى.

قازىرگى تاڭدا ەلىمىزگە كورشى مەملەكەتتەن كەلىپ جاتقاندار تۋرالى ماسەلە كوپتىڭ كوكەيىندە جۇرگەنى بەلگىلى. سوعان بايلانىستى مەملەكەت باسشىسى وسى تۇيتكىلگە ارنايى توقتالىپ، بارلىق ءىستى بايىپپەن تالقىلاپ، اقىلمەن شەشۋىمىز قاجەت ەكەنىن ايتتى. مۇنداي جاعدايدا تاتۋلىققا تابان تىرەي وتىرىپ ارەكەت ەتسەك، ۇتىلمايتىنىمىز انىق. پرەزيدەنتىمىز بۇل باعىتتاعى جۇمىستىڭ ءبارى ەڭ الدىمەن ۇلتتىق مۇددەمىز بەن ەلىمىزدىڭ تۇراقتىلىعىن كوزدەيتىنىن ايرىقشا اتاپ ءوتتى.

ەڭ باستىسى، بۇگىنگىدەي الماعايىپ كەزەڭدە ءبىرىنشى كەزەكتە بەرەكە-بىرلىگىمىزگە سىزات تۇسىرمەۋىمىز كەرەك. بۇل – جۇرت بولىپ جۇمىلاتىن مىندەت. قازىر مەملەكەتتىڭ تۇتاستىعىن ساقتاۋ جولىندا ۇلت بولىپ ۇيىساتىن كەزەڭ. ونى جاھاننىڭ بۇگىنگى جاي-كۇيى انىق كورسەتىپ وتىر. سوندىقتان بۇل سىناقتان دا ابىرويمەن ءوتىپ، الدىمىزدا تۇرعان بارلىق ماقساتتى ءساتتى جۇزەگە اسىرامىز دەپ سەنەمىز»، دەلىنگەن جازبادا.

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار