قوعام • 28 قىركۇيەك، 2022

تارتىمدى جوبالار جاڭا جۇمىس ورنىن كوبەيتەدى

52 رەت كورسەتىلدى

وتكەن سەگىز اي ارالىعىندا الماتى وبلىسىنىڭ ەكونوميكاسىنا قۇيىلعان ينۆەستيتسيا اعىنى 19 پايىزعا ۇلعايىپ، جالپى، قارجىلاي كولەمى 320 ملرد تەڭگەدەن اسىپ تۇسكەن ەكەن. ياعني جىل باسىنان بەرى ايماقتا 54،2 ملرد تەڭگە جۇمسالعان 10 ءىرى ينۆەستيتسيالىق جوبا جۇزەگە اسىپ، سونىڭ ناتيجەسىندە 700-گە جۋىق جاڭا جۇمىس ورنى اشىلعان.

بۇل قاتارداعى ءىرى جوبالاردىڭ مىسالى رەتىندە «ناۋرىز اگرو» اسىل تۇقىمدى قۇس رەپرودۋكتورى، «اليۋگال» قورىتپالى قۇرىلىس ماتەريالدارىن شىعاراتىن زا­ۋىت، «مەديكال حولدينگ Sintez-KZ» مە­ديتسينالىق تيتان يمپلانتتارى مەن ترەناجەرلار ءوندىرىسى جانە «قاراساز اگرو» بالىق شارۋاشىلىعى ءوندىرىسىن ايتۋعا بولادى. ال ين­ۆەستورلاردىڭ سەنىمىنەن شىققان اۋداندار اراسىنان ەڭبەكشىقازاق اۋدانىنىڭ اتى وزىپ تۇر. ياعني وتكەن مەرزىمدە اۋدان­ ەكونوميكاسىن دامىتۋعا 26 ملرد تەڭگەگە جۋىق ينۆەستيتسيا تارتىلعان كورىنەدى. جانە بۇل وتكەن جىلمەن سا­لىستىرعاندا 1،2 ەسەگە ارتقان. دەي­تۇرعانمەن، ينۆەستيتسيا پورتفەلى بو­يىنشا اۋداننىڭ جالپى وبلىس كولە­مىن­دەگى ۇلەسى 8 پايىزدان ءسال عانا جو­عا­رىلاعان ەكەن. جاقىندا اۋدانعا بارعان ساپارىندا وبلىس اكىمى مارات سۇلتانعازيەۆ جەرگىلىكتى باسشىلىققا وسى جاعى­نا باسا نازار اۋدارۋدى تاپسىرعان بولاتىن.

– ەڭبەكشىقازاق اۋدانى بويىنشا قازىرگە دەيىن 20 شاقتى ينۆەستجوبا بار. سونىڭ ىشىندە «جەتىسۋ ەنەرگيا­سى» سەرىكتەستىگىنىڭ قۋاتى 60 مۆت بولاتىن شەلەك جەل ەلەكتر ستانساسى جاقىندا ىسكە قو­سىلدى. بۇل جوباعا تارتىلعان ينۆەستيتسيا كولەمى 37،4 ملرد تەڭگەنى قۇرايدى. سايكەسىنشە، 30 جۇمىس ورنى اشىلدى. الايدا توقمەيىلسۋگە بولمايدى. اۋدان­نىڭ قازىرگى مۇمكىندىگى مەن ينۆەس­تيتسيالىق تارتىمدىلىعى ونىڭ كولە­مىن ەسەلەپ ارتتىرۋعا ءتيىس، – دەيدى م.سۇلتانعازيەۆ.

جالپى، وبلىستىڭ ەنەرگيا كوز­دەرىن وندىرۋگە قاتىستى جوبالارى جە­مىستى. بۇل تۇرعىدا ەڭبەكشىقازاق اۋدانىندا جەلدەن قۋات الاتىن قون­دىرعىلاردى كوپتەپ سالۋ مۇمكىندىگى مول بولسا، رايىمبەك اۋدانىندا سۋ ەلەكتر ستان­سالارىنىڭ قۇرىلىسىن جان­داندىرۋعا مۇمكىندىك بار. قا­زىر اعىندى تاۋ وزەندەرى بار رايىمبەك وڭىرىندە سۋ ەلەكتر ستان­سالارىنىڭ قۇرىلىسىن جۇرگىزۋ قولعا الىنۋدا. سولاردىڭ قاتا­رىندا ءۇش قاقپاق اۋىلى ماڭىندا باستالعان «ۇلكەن قاقپاق گيدرو» سەرىكتەستىگىنىڭ جۇمىسىن ايتۋعا بولادى. اتالعان سەرىكتەستىك بيىلدان باستاپ كىشى قاقپاق وزەنىنەن قۋاتى 4،9 مۆت قۇرايتىن سۋ ەلەكتر ستانساسىنىڭ قۇرىلىسىن جۇرگىزىپ جاتىر. بۇل جوباعا 3،3 ملرد تەڭگە ينۆەستيتسيا تارتىلماق. سونداي-اق Energy DeveIopment Company تەكەس وزەنىنىڭ بويىنان قۋاتى 24،8 مۆت بولاتىن سۋ ەلەكتر ستانساسىنىڭ قۇرىلىس جۇمىستارىن باستاۋدى جوسپارلاپ وتىر. قازىرگى ۋاقىتتا تەحنيكالىق جانە ەكونوميكالىق قۇجاتتارى دايىندالۋدا. بۇل جو­باعا تارتىلاتىن ينۆەستيتسيا كولەمى 14،1 ملرد تەڭگەنى قۇرايدى. كومپانيا قۇرىلىس جۇمىستارىن 2023 جىلى باستاپ، 2025 جىلى پايدالانۋعا بەرۋدى جوسپارلاپ وتىر ەكەن. سون­داي-اق اتالعان كومپانيا 2025 – 2027 جىل ارالىعىندا نارىنقول اۋى­لىنىڭ ماڭىنداعى بايىنقول وزە­نىنەن قۋاتى 32،8 مۆت قۇرايتىن سۋ ەلەكتر ستانساسىن سالۋدى دا جوس­پار­لاپ وتىر.

– الماتى وبلىسى – كەز كەلگەن سالانى دامىتۋعا ىڭعايلى ءوڭىر. ونىڭ ىشىندە الەۋمەتتىك سالا، ين­فرا­قۇرىلىم، لوگيستيكا، بالىق، مال، ەگىن شارۋاشىلىعى، بالاما ەنەرگيا كوزى سالالارى بار. ينۆەستيتسيالىق تارتىمدىلىق ارقىلى ايماقتا ەت ەكسپورتىنان گورى بالىق ەكسپورتى جاقسى دامىپ كەلەدى، – دەيدى وبلىس اكىمى م.سۇلتانعازيەۆ.

ايتپاقشى، وبلىستىڭ جاڭا ورتالىعى – قوناەۆ قالاسىن IT ما­­­ماندارىنىڭ شوعىرلانعان، ونەر­­­­كاسىبى دامىعان، تازا ەكولو­گيا­­لىق قالا ەتۋ ءۇشىن ءتۇرلى جوبالار جاسالىپ جاتىر. بۇل باعىتتا ينۆەس­تورلارعا يەك ارتقان ورىندى. جاقىندا الماتى وبلىسىنىڭ اكىمى ەۋروپالىق ينۆەستيتسيا بانكىنىڭ وكىل­دەرىمەن كەزدەستى. كەزدەسۋدە قوناەۆ قالاسىنىڭ ءتۇرلى سالالارداعى جو­باسى بويىنشا ەكىجاقتى ىنتى­ماق­تاستىعى ءسوز بولدى.

– ەۋروپالىق ينۆەستيتسيا بانكىنىڭ جۇمىس باعىتى نەگىزىنەن 4 سالاعا باعىتتالعان: يننوۆاتسيالاردى قول­داۋ، شاعىن بيزنەستى دامىتۋ، كليماتتى قورعاۋ جانە ينفراقۇرىلىم نىساندارىن قۇرۋ. ياعني بانك مەم­لەكەتتىك جانە جەكە سەكتورعا، ونىڭ ىشىندە يننوۆاتسيالىق ستارتاپتاردى قارجىلاندىرۋ ءۇشىن كرەديتتەر بەرەدى. شاعىن جانە ورتا بيزنەسكە ادەتتە جەرگىلىكتى بانكتەر ارقىلى قولداۋ كورسەتىلەدى. بۇل رەتتە ورتاشا كولەمدى كومپانيالار ەۋروپالىق ينۆەستيتسيا بانكىنەن عىلىمي-زەرتتەۋ سالاسى مەن دامۋعا ينۆەستيتسيالار رەتىندە تىكەلەي قولداۋ الا الادى. جالپى، ءبىز قازاقستانعا جەكە ينۆەستورلار مەن مەملەكەتتىك قارجى مەكەمەلەرىنىڭ قاراجاتىن تارتىپ، جۇمىس ىستەۋگە مۇددەلىمىز. بۇل تىزىمدە الماتى وبلىسى ءبىرىنشى تۇر دەۋگە بولادى، – دەيدى ەۋروپالىق ينۆەستيتسيا بانكىنىڭ مەملەكەتتىك مەكەمەلەرمەن جۇ­مى­سىن دامىتۋ ءبولىمىنىڭ مامانى ادام برۋن.

جالپى، بۇل قارجى ۇيىمى ەۋرووداق كەڭەسىنىڭ شەشىمىنە ساي­كەس ەو ەلدەرىندە جانە شەتەلدە، ونىڭ ىشىندە ازيادا جوبالاردى قارجىلاندىرۋ بويىن­شا كرەديتتىك وپەراتسيالار­دى جۇرگىزۋ مانداتىنا يە. بانك 2 جىلدان 6 جىلعا دەيىنگى جەڭىلدىكتى كەزەڭىمەن، 7 جىلدان 20 جىلعا دەيىنگى مەرزىمگە نەسيە بەرەدى. ال شەتەلدىك ينۆەستيتسيامەن جۇمىس ىستەۋ باعىتىندا دا وبلىستا اۋقىمدى شارا اتقارىلۋدا. مىسالعا، قازىر الماتى وبلىسى الەم بويىنشا 97 ەلمەن ساۋدا ىنتىماقتاستىعىن جۇرگىزۋدە. بيىل 7 ايدا وبلىستاعى ەكسپورت اينالىمى 179،9 ملن دوللاردى قۇرادى. بۇدان باسقا شەتەلدىك ينۆەستورلاردىڭ قاتىسۋىمەن اشىل­عان، جالپى قۇنى 1،3 ملرد دوللار بولاتىن 19 جوبا جۇزەگە اسىرىلۋدا. بۇل 6 500 جۇمىس ورنىن قۇرۋعا مۇمكىندىك بەرەدى.

 

الماتى وبلىسى

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

ۇقساس جاڭالىقتار