قوعام • 28 قىركۇيەك، 2022

قۇرىلىس ماۋسىمىن ۇزارتاتىن قوسپا

44 رەت كورسەتىلدى

پرەزيدەنت قاسىم-جومارت توقاەۆ قازاقستان حالقىنا ارناعان بيىلعى جول­داۋىندا جەرگىلىكتى ماڭىزى بار جولدارعا نازار اۋدارىپ، بىرقاتار ماسە­لە­نى اتاپ وتكەن بولاتىن. وسى ورايداعى ماسەلەلەردىڭ شەشىمىن تابۋ ماقساتىندا ەلوردادا يندۋستريا جانە ينفرا­قۇرىلىمدىق دامۋ مينيسترلىگىنىڭ اۆتوموبيل جولدارى كوميتەتى مەن «قا­زاقستان جول عىلىمي-زەرتتەۋ ينستيتۋتى»اق «جول قۇرىلىسىنداعى يننو­ۆا­­تسيالىق تەحنولوگيالار مەن ماتەريالدار» اتتى كوشپەلى سەمينار وتكىز­دى.

كوللاجدى جاساعان قونىسباي شەجىمباي، «EQ»

كوشپەلى سەمينار-ترەنينگكە جول قۇ­رىلىسىن جوبالاۋ جانە قىزمەت كور­سەتۋ سالالارىنداعى مەكەمەلەر مەن ما­ماندار، عالىمدار، مەردىگەر كوم­پا­نيا وكىلدەرى مەن كاسىپكەرلەر، «قاز­اۆتو­جول» ۇك، «جول اكتيۆتەرىنىڭ ۇلتتىق ساپا ورتالىعى»، «قازجولعزي» اق قىز­مەت­كەرلەرى، وبلىس اكىمدىگىنىڭ وكىل­­­دەرى قاتىستى. جيىندا اۆتو­مو­­بيل جولدارى كوميتەتىنىڭ تورا­عا­سى تولەگەن ابدۋللين ءسوز الىپ، مەم­لە­­كەت باسشىسىنىڭ 2025 جىلعا دە­يىن جولداردىڭ ساپاسىن جاق­سار­تۋ جو­نىندەگى تاپسىرماسىن ىسكە اسىرۋ ماق­سا­تىنداعى ماسەلەلەردى وڭتايلى شەشۋگە ارنالعان جيىنعا وتاندىق جانە شەتەلدىك جول سالاسىنىڭ بىلىكتى ماماندارى قاتىسىپ وتىرعانىن ايتتى.

جيىن اياسىندا رەسەيلىك جول قۇ­رى­­لى­سى سالاسىنداعى ماماندار ­بەتوندى جىلدىڭ سۋىق مەزگىلىندە تو­سەۋگە ارنالعان ەرەكشە قوسپانى تانىس­تىردى. بۇل ماتەريال ەلىمىزدىڭ كليماتىنا ىڭعايلى جانە جول قۇرىلىسى ماۋ­سىمىن ۇزارتۋعا ەداۋىر سەپتەسەدى. اتال­عان قوسپانى قولدانۋ ارقاسىندا جول قۇ­رىلىسىن جۇرگىزەتىن كومپانيالار كۇن­­ سۋىتقان كەزەڭدە دە جول جابىنىن ەش كەدەرگىسىز ساپالى تۇردە تو­سەۋ­گە مۇمكىندىك الماق.

«قازاقستان جول عىلىمي-زەرتتەۋ ينس­تيتۋتى» اق پرەزيدەنتى ارمان اليباەۆ­تىڭ ايتۋىنشا، باسقوسۋدا بىر­قاتار كە­لىسىمگە قول جەتكىزىلىپ، جول-قۇ­رى­لى­سى جۇمىستارىنىڭ ساپاسىن ارت­تىرۋ باعىتىندا يننوۆاتسيالىق جاڭا­شىل­دىقتاردى قولدانۋ اياسى ارتتى.

سەمينار-ترەنينگ جۇمىسى «جەر قىر­تى­سىنىڭ تومەنگى قاباتى جانە نەگىزى»، «جول جابىنى»، «جولدى كۇتىپ ۇستاۋ جانە جوندەۋ»، «جولداعى قاعيدالار مەن جول قوزعالىسىنىڭ قاۋىپسىزدىگى»، «كوپىر قۇ­رى­لىسى جانە ونى جوندەۋ جۇمىستارى كەزىندە قولدانىلاتىن ماتەريالدار مەن جاڭا تەحنولوگيالار» باعىتتارى بو­يىنشا جۇرگىزىلدى. ءار بولىمدە جول ينفراقۇرىلىمى مەن نىسانىنىڭ قىز­مەت كورسەتۋ مەرزىمىن ۇزارتۋعا جانە ونىڭ ونىمدىلىك سيپاتتامالارىن جاق­سار­­تۋعا سەپتەسەتىن يننوۆاتسيالىق ما­تەريال­دار مەن قۇرىلىس جۇمىستارىن جىل­دامداتۋعا ىقپال ەتەتىن زاماناۋي تاسىلدەر جان-جاقتى قاراستىرىلدى.

جامبىل وبلىستىق جولاۋشىلار كو­لىگى جانە اۆتوموبيل جولدارى باس­قار­ما­سىنىڭ باسشىسى باقىتجان جانىبەكوۆ ءوز وڭىرىندەگى جول ساپاسىنىڭ جاع­دايىنا توقتالىپ، جيىننان مول اقپار العانىن ايتادى.

ء«بىرىنشى ماسەلە – جولدىڭ ىل­عال­دانۋى. وسىنىڭ سالدارىنان اۋىر جۇك كولىكتەرىنىڭ سالماعىنا شىداماي مەرزىمىنەن بۇرىن بۇزىلىپ جاتادى. وبلىستىڭ جەرگىلىكتى جولدارى مەن ەلدى مەكەن كوشەلەرىندەگى جول­دارعا بۇگىنگە دەيىن 16 ملرد تەڭگە قارجى ءبولىنىپ وتىر. نورماتيۆتىك ساي­كەس­تىگى 95 پايىزدى قۇراسا، ونىڭ ىشىندە جاقسى جاعدايداعى جول – 45%، ال 50%-ى قاناعاتتانارلىق جاعدايدا. بولاشاقتا 97 پايىزعا دەيىن جەتكىزۋ جوسپارلانىپ وتىر. پرەزيدەنتىمىز ايتقانداي، جولدىڭ جاعدايىنا كوڭىل ءبولىپ، ساپاسىن ارتتىرۋ ماقساتىندا وسى سەمينارعا كەلىپ وتىرمىز»، دەيدى ول.

«جول قۇرىلىسىنداعى يننوۆاتسيالىق تەح­نو­لوگيالار مەن ماتەريالدار» سە­مينار-ترەنينگى جول-قۇرىلىسى ۇيىم­دا­رى مەن ىسكەر توپ وكىلدەرىنىڭ ءوزارا تىعىز قارىم-قاتىناس ورناتۋىنا ەلەۋلى ىق­پالىن تيگىزدى. ايتا كەتەرلىگى، جولدىڭ تو­سەنىشتىك قاباتىنىڭ بەرىكتىگىن قامتا­ماسىز ەتەتىن ماتەريالدار كوپشىلىك تاراپىنان قىزىعۋشىلىق تۋعىزدى. سونىمەن قاتار جول بيتۋمىنىڭ ساپاسىن ارتتىرىپ، ونىڭ قازاقستاننىڭ ءتۇرلى كليماتتىق جاعدايلارىنا بەيىمدىگىن قامتاماسىز ەتەتىن موديفيكاتسيالىق اسفالتبەتون جابىنىنا دا ماماندار ىقىلاسى اۋدى.

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

ۇقساس جاڭالىقتار