«بارلىق مىندەتتەر تەز, اۋرە-سارساڭسىز, جاۋاپكەرشىلىكتى ءبىر-بىرىنە سىلتەيتىن ۆەدومستۆولار اراسىنداعى «الاشاپقىنسىز» شەشىلۋگە ءتيىس. باستىسى – ناقتى بەلگىلەنگەن ناتيجەلەرگە قول جەتكىزۋ. ول ءۇشىن جوبالاردىڭ جۇزەگە اسىرىلۋىن قاداعالايتىن مونيتورينگ جۇيەسى قاجەت», دەدى مەملەكەت باسشىسى.
وتىرىس بارىسىندا قاسىم-جومارت توقاەۆ ۇكىمەتكە بىرقاتار تاپسىرما جۇكتەدى.
«بيىل قاراشا ايىنا دەيىن ۇكىمەت قاۋلىسىمەن اتالعان ۇلتتىق جوبالاردى جانە قاجەتتى نورماتيۆتىك اكتىلەردى بەكىتۋدى, سونداي-اق جىل سوڭىنا دەيىن وسىنداي جاڭا فورماتتا ازىرلەنەتىن قوسىمشا ۇلتتىق جوبالاردىڭ تىزبەسىن انىقتاۋدى تاپسىرامىن», دەدى پرەزيدەنت.
