تۋريزم • 28 قىركۇيەك، 2022

قازاقستان تاعى 26 ەل ءۇشىن ۆيزاسىز رەجيم ەنگىزەدى

75 رەت كورسەتىلدى

قازاقستاندا ۆيزاسىز ەلدەر ءتىزىمى كەڭەيتىلىپ، حالىقارالىق رەيستەر سانى ارتادى. بۇل تۋرالى وكق بريفينگىندە مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسپەكوۆ مالىمدەدى، دەپ حابارلايدى Egemen.kz.

ول 2022 جىلى قازاقستان 74 ەل ءۇشىن جانە قوسىمشا ءۇندىستان، قىتاي جانە يران ازاماتتارى ءۇشىن ۆيزاسىز رەجيمدى قالپىنا كەلتىرگەنىن اتاپ ءوتتى. سونداي-اق 113 باعىت بويىنشا 28 ەلمەن حالىقارالىق اۋە قاتىناسى قالپىنا كەلتىرىلدى.

سپيكەردىڭ ايتۋىنشا، تۋريستەردىڭ سانىن ارتتىرۋ ءۇشىن مينيسترلىك كەلەسى شارالاردى قابىلداۋدى جوسپارلاپ وتىر:

  • قازاقستانعا كىرۋ ءۇشىن ۆيزاسىز ەلدەر سانىن 100-گە دەيىن ۇلعايتۋ;
  • رەسەي، موڭعوليا، قىتاي، ءۇندىستان جانە فرانتسيا باعىتتارى بويىنشا قوسىمشا اۋە رەيستەرىن اشۋ.

داستان رىسپەكوۆ پاندەميا كەزىندەگى ەكى جىلدىق ۇزىلىستەن كەيىن تۋريستىك سالا قارقىندى دامىپ جاتقانىن اتاپ ءوتتى.

«ىشكى ءتۋريزمنىڭ نەگىزگى كورسەتكىشتەرى ەكىنشى جىل قاتارىنان ءوسىپ كەلەدى. وتكەن جىلدىڭ قورىتىندىسى بويىنشا ىشكى تۋريستەر سانىنىڭ رەكوردتىق كورسەتكىشى تىركەلدى، ول 6،9 ملن ادامدى قۇرادى، بۇل پاندەمياعا دەيىنگى كەزەڭنەن دە جوعارى. 2022 جىلدىڭ جارتى جىلدىعىنىڭ دەرەكتەرى 1،3 ملن كەلۋشىلەردى قۇراپ، وتكەن جىلدىڭ قورىتىندى دەرەكتەرىمەن تەڭەستى. جىل سوڭىنا دەيىن شامامەن 2،5 ملن كەلۋشى بولادى دەپ بولجاپ وتىرمىز. بيىلعى جىلدىڭ التى ايىندا قوناق ۇيلەر قىزمەت كورسەتكەن شەتەلدىك تۋريستەر سانى وتكەن جىلدىڭ سايكەس كەزەڭىمەن سالىستىرعاندا 2،5 ەسە جوعارى»، دەدى تۋريزم يندۋسترياسى كوميتەتىنىڭ توراعاسى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار