اتالعان ۇيىم وسى داستۇرىنەن اينىماي, بيىل دا ىرگەلى ءىس-شارالاردى قولعا الىپ وتىر. ماقساتى – ارينە, قاريالاردى قولداۋ, ولارعا شىنايى كوڭىل ءبولۋ, قامقورلىق كورسەتۋ. بۇل – تۇسىنە بىلگەنگە اعا بۋىن الدىنداعى پارىزىمىزدىڭ بۇلجىماس ءبىر بولىگى. شاۋ تارتقان شاعىندا جىلۋلىق پەن مەيىرىمگە ءزارۋ كەلەتىن قازىنالارىمىزدىڭ ەل يگىلىگىنە جاساعان ەسەلى ەڭبەگى دە ەشقاشان ەسكەرۋسىز قالمايتىنى سودان بولسا كەرەك.
وسى ورايدا «ارداگەرلەر ۇيىمى» رەسپۋبليكالىق قوعامدىق بىرلەستىگى بارلىق قازاقستاندىقتى, جۇمىس بەرۋشىلەردى, بيزنەس قۇرىلىم وكىلدەرىن, اعا بۋىننىڭ ەل يگىلىگىنە قوسقان ەسەلى ەڭبەگىن ۇلىقتاۋعا, «قارتتارىمىزدى قامقورلاي جۇرەيىك» اكتسياسىنا بەلسەندى اتسالىسۋعا شاقىرادى. حالقىمىزدىڭ داستۇرىندە ۇلكەندى سىيلاپ, اقىلىن تىڭداپ, الدىنان كەسە كولدەنەڭ وتپەگەن. سوندىقتان ەلىمىزدە قارت ادامدارعا دەگەن قامقورلىق جىل سايىن ارتىپ كەلەدى. بۇل يگى دە ونەگەلى ءداستۇردىڭ تاماشا ۇلگىسىنە بيىل دا كۋا بولامىز دەگەن ءۇمىت زور.
