كوللاجدى جاساعان زاۋرەش سماعۇل «EQ»
جاۋاپتى ۆەدومستۆونىڭ بەرگەن مالىمەتىنە سۇيەنسەك, قازىر اباي وبلىسىنداعى 110 اۋىلدى ەلدى مەكەندە تۇراتىن 15 مىڭداي ادام (حالىقتىڭ 2,3%-ى) ءموبيلدى ينتەرنەتپەن قامتىلماعان. الايدا مينيسترلىك 223 ەلدى مەكەندە تۇرىپ جاتقان 625,3 مىڭ حالىقتىڭ نەمەسە 97,7%-ى سىمدى جانە سىمسىز بايلانىس تەحنولوگيالارى قىزمەتتەرىمەن قامتاماسىز ەتىلگەن دەپ سەندىرىپ وتىر.
«اباي وبلىسىندا 333 ەلدى مەكەن بار (حالقى 640,3 مىڭ ادام), ونىڭ ىشىندە 6 قالا (387,2 مىڭ ادام) جانە 327 اۋىل (253,2 مىڭ ادام). قازىرگى ۋاقىتتا حالىق سانى 625,3 مىڭ ادامدى قۇرايتىن 223 ەلدى مەكەن نەمەسە حالىقتىڭ 97,7% سىمدى جانە سىمسىز بايلانىس تەحنولوگيالارى بويىنشا قىزمەتتەرىمەن قامتاماسىز ەتىلگەن. 15 مىڭ ادام نەمەسە حالىقتىڭ 2,3%-ى تۇراتىن 110 اۋىلدى ەلدى مەكەن ءموبيلدى ينتەرنەتپەن قامتىلماعان كۇيىندە قالىپ وتىر. ونىڭ ىشىندە 2024 جىلعا دەيىن «ۆوستوكتەلەكوم» جشس 55 اۋىلدى ەلدى مەكەندى سالىق جەڭىلدىكتەرى ارقىلى كەڭجولاقتى قولجەتىمدىلىكپەن قامتاماسىز ەتەتىن بولادى.
سونىمەن قاتار 53 اۋىلدى ەلدى مەكەندى گەوستاتسيونارلىق ەمەس سپۋتنيكتىك جۇيەلەر (بۇدان ءارى – گەسو) ەسەبىنەن قامتاماسىز ەتۋ ماسەلەسى پىسىقتالىپ جاتىر. حالىقتى كەڭجولاقتى قولجەتىمدىلىكپەن قامتاماسىز ەتۋ ماقساتىندا گەسو ورنالاستىرۋ ءۇشىن OneWeb, Space X جانە SES كومپانيالارىمەن ءتيىستى جۇمىستار جۇرگىزىلىپ كەلەدى. جوبا 2023 جىلى باستالۋعا ءتيىس.
سونداي-اق كورسەتىلەتىن بايلانىس قىزمەتتەرىنىڭ ساپاسىن جاقسارتۋ ءۇشىن مينيسترلىكپەن بايلانىس قىزمەتتەرى ساپاسىنىڭ تەحنيكالىق پارامەترلەرىن ولشەۋ ادىستەمەسى (قازاقستان رەسپۋبليكاسى اقپارات جانە كوممۋنيكاتسيالار ءمينيسترىنىڭ 2017 جىلعى 29 تامىزداعى №327 بۇيرىعى) جانە بايلانىس قىزمەتتەرى ساپاسىنىڭ كورسەتكىشتەرى (قازاقستان رەسپۋبليكاسى اقپارات جانە كوممۋنيكاتسيالار ءمينيسترىنىڭ 2017 جىلعى 22 قاراشاداعى №410 بۇيرىعى) بەكىتىلىپ, ولار بايلانىس ساپاسىنا تەكسەرۋ جۇرگىزۋگە قۇقىقتىق نەگىز بەرەدى. ينتەرنەت جىلدامدىعىنىڭ رۇقسات ەتىلگەن ەڭ تومەنگى دەڭگەيى بولىگىندە بايلانىس قىزمەتتەرى ساپاسىنىڭ كورسەتكىشتەرىنە وزگەرىستەر ەنگىزىلۋىنە وراي بايلانىس وپەراتورلارى رەسپۋبليكانىڭ ەلدى مەكەندەرىن ينتەرنەت قىزمەتتەرىمەن قامتاماسىز ەتۋ بويىنشا اقپاراتتى وزەكتەندىردى.
وسىلايشا, بايلانىس وپەراتورلارىنىڭ دەرەكتەرى بويىنشا قالعان 26 اۋىلدى ەلدى مەكەندە ينتەرنەتكە قول جەتكىزۋ بەكىتىلگەن ساپا كورسەتكىشتەرىنە سايكەس كەلمەيدى», دەلىنگەن قۇزىرلى ورگاننىڭ رەسمي جاۋابىندا.
بۇل ورايدا مينيسترلىك بايلانىس وپەراتورلارىمەن بىرلەسىپ, وسى اۋىلدى ەلدى مەكەندەردە كەڭجولاقتى قولجەتىمدىلىكتى قامتاماسىز ەتۋ ماسەلەسىن قاراستىرىپ جاتقانىن جەتكىزدى.
اباي وبلىسى
