اباي • 27 قىركۇيەك، 2022

ابايتانۋعا قوسىلعان قوماقتى ۇلەس

291 رەت كورسەتىلدى

اباي قۇنانباي ۇلىنىڭ 175 جىلدىعى اياسىندا قولعا الىنعان ءىس-شارالار لەگى ءالى دە جالعاسىپ جاتىر.

قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنە قاراستى الماتى قالاسىندا ورنالاسقان ەۋرازيا عىلىمي-زەرتتەۋ ينستيتۋتىنىڭ عىلىمي قىزمەتكەرلەرى تاراپىنان دايىندالعان The Wisdom of the Great Steppe – Abai Kunanbaiuly جانە «اباي قۇنانباي ۇلى: سيپاتتامالى بيبليوگرافيالىق كورسەتكىش» اتتى عىلىمي ەڭبەكتەردىڭ تۇساۋكەسەرى بولىپ ءوتتى.

انكارادا باسىلىپ شىققان اعىلشىن تىلىندەگى The Wisdom of the Great Steppe – Abai Kunanbaiuly ۇجىمدىق مونوگرافياسى اباي قۇنانباي ۇلىن شەتەلدىك قاۋىمعا ونىڭ مۇراسىن جان-جاقتى تانىتۋعا مول مۇمكىندىك بەرەتىنى ءسوزسىز. قازاقستان جانە شەتەل ابايتانۋشىلارىنىڭ ابايدىڭ ءومىرى، الەۋمەتتىك ورتاسى، ادەبي اينالاسى، ۇلت زيالىلارىنا ىقپالى، شىعارماشىلىق مۇراسى، ادەبي مەكتەبى، شىعارمالارىنىڭ قولجازباسى، تىلدىك ەرەكشەلىگى، ءدىني كوزقاراسى، تاريحي دۇنيەتانىمى بويىنشا كەڭ ماعلۇمات بەرىلگەن.

تۇساۋكەسەرگە ارقاۋ بولعان كەلەسى ەڭبەك «اباي قۇنانباي ۇلى: سيپاتتامالى بيبليوگرافيالىق كورسەتكىش» دەپ اتالادى. وندا 1889 جىلى باسپاسوزدە اباي تۋرالى شىققان العاشقى ماقالادان باستاپ، 175 جىلدىق مەرەيتويى اتالىپ وتكەن 2020 جىلعا دەيىنگى بارلىق جاريالانىم قامتىلعان. اتالعان بيبليوگرافيالىق كورسەتكىشكە اباي شىعارمالارى مەن ابايتانۋ سالاسىنداعى كىتاپتار، مونوگرافيالار، وقۋلىقتار، وقۋ-ادىستەمەلىك قۇرالدار، بيبليوگرافيالىق ماتەريالدار، ديسسەرتاتسيالار (كانديداتتىق، دوكتورلىق جانە PhD)، گازەت-جۋرنال ماقالالارى مەن تاعى باسقا دا جاريالانىمداردى قامتىعان جالپى سانى 12 مىڭنان اسا دەرەك ەنگىزىلدى.

ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى ەۋرازيا عىلىمي-زەرتتەۋ ينستيتۋتىنىڭ وسىناۋ ەڭبەگى ابايتانۋ سالاسىنا قوسقان سۇبەلى ۇلەس دەپ بىلەمىز. اتالعان ءىس-شاراعا قاتىسقان بايانداماشىلار مەن قوناقتار ەۋرازيا عىلىمي-زەرتتەۋ ينستيتۋتىنىڭ باسشىسى سۋات بەيلۇرعا جانە وسى وقۋ ورنىنىڭ عىلىمي قىزمەتكەرلەرىنە زور قاجىر-قايراتى مەن تاريحي ەڭبەكتەرى ءۇشىن العىس ءبىلدىردى.

 

ايجان امانقوسوۆا

 

تۇركىستان

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار