ۇكىمەت • 27 قىركۇيەك، 2022

ءاليحان سمايىلوۆ ساۋد ارابياسىنىڭ قاجىلىق جانە ۋمرا مينيسترىمەن كەزدەستى

37 رەت كورسەتىلدى

پرەمەر-مينيستر ءاليحان سمايىلوۆ ساۋد ارابياسى كورولدىگىنىڭ قاجىلىق جانە ۋمرا ءمينيسترى تاۋفيك بەن فاۋزان ءال-رابيامەن كەزدەسۋ وتكىزدى، دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.

قوس تاراپ تۋريزم، مادەنيەت جانە ازاماتتىق اۆياتسيا سالالارىنداعى ىنتىماقتاستىقتى كەڭەيتۋ ماسەلەلەرىن زەردەلەدى.

ءاليحان سمايىلوۆ ءوز سوزىندە وتكەن جىلدار ىشىندە قازاقستان رەسپۋبليكاسى مەن ساۋد ارابياسى اراسىندا دوستىق جانە سىندارلى قاتىناستار ورناعانىن اتاپ ءوتتى.

«الەم مۇسىلماندارى قاجىلىق پارىزىن وتەۋدى اسىعا كۇتەدى. بيىل ءبىزدىڭ 4 مىڭ وتانداسىمىز دا وسىنداي مۇمكىنشىلىككە يە بولدى. بۇعان ساۋد ارابياسى باسشىلىعىنىڭ نازارى مەن كۇش-جىگەرىنىڭ ارقاسىندا قول جەتكىزىلدى»، دەدى ءاليحان سمايىلوۆ.

سونداي-اق ول استانادا وتكەن الەمدىك جانە ءداستۇرلى دىندەر كوشباسشىلارىنىڭ VII سەزىنە بەلسەندى قاتىسقانى ءۇشىن كورولدىك وكىلدەرىنە العىسىن ءبىلدىردى.

«ەلدەر اراسىنداعى ىنتىماقتاستىق كەڭەيىپ، نىعايا تۇسەتىنىنە سەنىمدىمىن»، دەدى ءاليحان سمايىلوۆ.

ءوز كەزەگىندە تاۋفيك بەن فاۋزان ءال-رابيا تۇراقتى اۋە رەيستەرىنىڭ اشىلۋى ەكىجاقتى قارىم-قاتىناستى نىعايتۋعا قوسىمشا سەرپىن بەرەتىنىن اتاپ ءوتتى.

«ساپار اياسىندا مەن قازاقستاندىق ارىپتەستەرىممەن بىرقاتار تابىستى كەزدەسۋ وتكىزدىم. تىكەلەي تۇراقتى رەيستەردىڭ اشىلۋى قازاقستاننان كەلەتىن تۋريستەر مەن قاجىلىققا بارۋشىلار سانىنىڭ وسۋىنە ىقپال ەتەدى دەپ ۇمىتتەنەمىز»، دەدى تاۋفيك بەن فاۋزان ءال-رابيا.

سوڭعى جاڭالىقتار

اققان جۇلدىز ىزىمەن

تانىم • كەشە

ساحناعا ادالدىق

ونەر • كەشە

ۇقساس جاڭالىقتار