اشىق اسپان استىنداعى فەستيۆالدا كىتاپتار ادەتتەگىدەن 25-30 پايىز تومەن باعادا ساۋدالاندى. كىتاپ ساۋداسى قىزۋ جۇرگەنىن كوردىك. سوعان قاراعاندا قازىر ەل كىتاپ وقىمايدى دەگەن ءسوزدىڭ ءوزى بەكەر مە دەپ قالدىق. كىتاپ جارمەڭكەسى مەن كورمەسى ءوز الدىنا, مۇندا «بۋككروسينگ», «اۆتوگرافTime», «Kazakh-Comic», «پوەزياParty», «بلوگەرلەر قۇپياسى», «OYNA» بالالار ينستيتۋتىمەن بىرلەسە «وقيمىز, جازامىز, سۋرەت سالامىز!», مونو قويىلىمدار جانە تاعى باسقا دا مادەني ءىس-شارالاردىڭ كۋاسى بولدىق. مادەنيەت جانە سپورت مينيسترلىگىنىڭ قولداۋىمەن ۇلتتىق اكادەميالىق كىتاپحانا ۇجىمى ۇيىمداستىرعان رۋح مەرەكەسىنە مينيستر داۋرەن اباەۆ قاتىستى.
«ەل اراسىندا جاستار كىتاپ وقىمايتىنى تۋرالى پىكىر ايتىلادى. مۇنداعى باستى ماقسات – كىتاپقا دەگەن قىزىعۋشىلىقتى وياتۋ. اۆتورلار مەن وقىرمانداردى ءبىر-بىرىنە جاقىنداستىرۋ. بۇل باستاماسى عانا. فەستيۆال كەلەسى جىلى جالعاساتىنىنا سەنىم ارتامىن. كىتاپ جارمەڭكەلەرى وتەدى, بۇيىرسا. فەستيۆال قۇتتى بولسىن!» دەدى مادەنيەت جانە سپورت ءمينيسترى داۋرەن اباەۆ.
«ادامزات بالاسى دامۋ جولىندا قارىزدار قانداي قۇندىلىق بار دەسەك, اۋەلى كىتاپتى اتار ەدىم» دەپتى ءبىر عۇلاما. وسىنشاما وركەنيەت پەن قۇندىلىقتاردىڭ باسىندا تۇرعان قاتتامانىڭ نەشە اتاسى وسى فەستيۆال بارىسىندا كورسەتىلدى. بالالار ادەبيەتىنەن باستاپ ۇلت قازىناسىنا اينالعان تۋىندىلار, الەمدىك كلاسسيكالار, ءتۇرلى سالالىق كىتاپتار, وتباسىلىق دۇنيەلەر – ءبارى وسىندا.
«شىن مانىندە, قازىر كىتاپقا دەگەن ىقىلاس, نيەت دۇرىس جولعا قويىلىپ كەلەدى. ەل كىتاپ وقيتىن بولدى. وسىدان بىرنەشە اي بۇرىن الماتىدا اشىق اسپان استىندا كىتاپ جارمەڭكەسى ءوتتى. سول كىتاپ جارمەڭكەسى رەسپۋبليكا كولەمىنە تارادى. كىتاپقا بەت بۇرۋ – مادەنيەتتىڭ بەلگىسى. شەكسپير «كىتاپ ماعان تاقتان دا قىمبات» دەپتى. اسقار سۇلەيمەنوۆ «جاقسى كىتاپ ۇياتتىڭ انتولوگياسى» دەگەن. سوندىقتان بۇگىنگى مەرەكە قۇتتى, قايىرلى بولسىن!» دەدى حالىقارالىق «الاش» ادەبي سىيلىعىنىڭ لاۋرەاتى, اقىن مارالتاي رايىمبەك ۇلى.
رەسپۋبليكالىق كىتاپ فەستيۆالىنە قازاقستاننىڭ ءار ايماعىنان 74 كىتاپحانا قاتىستى. بارلىعى 130-دان استام مادەني-رۋحاني شارا جوسپارلانىپ, ۇيىمداستىرىلعان. ءىس-شاراعا قاتىسۋشىلار فەستيۆالدىڭ تياناقتى وتۋىنە ۇيىتقى بولعان ۇلتتىق اكادەميالىق كىتاپحانا ۇجىمى مەن ونىڭ باسشىسى عازيزا قۇدايبەرگەننىڭ ەڭبەگىن اتاپ ءوتتى. فيلولوگيا عىلىمدارىنىڭ دوكتورى, پروفەسسور ايگۇل ىسماقوۆا مەن جازۋشى, دراماتۋرگ روزا مۇقانوۆا ءسوز سويلەپ, پىكىر ءبولىستى. سونداي-اق فەستيۆالعا «وتانداستار» قورىنىڭ وكىلى قاتىسىپ, ۇلتتىق كىتاپحانامەن بىرلەسە ء«ار قازاققا ءبىر كىتاپ» اكتسياسىن باستاعاندارىن تىلگە تيەك ەتتى.
«قانداستارىمىز «وتانداستار» قورىمەن وتكەن كەزدەسۋلەردە قازاقتىڭ كوركەم ادەبي شىعارمالارى مەن تاريحي كىتاپتارىنىڭ جەتىسپەۋشىلىگىن ءجيى ايتادى. وسى ورايدا, قور ۇلتتىق كىتاپحانامەن بىرلەسە وتىرىپ ء«ار قازاققا – ءبىر كىتاپ» اكتسياسىن باستادى. ءىس-شارانىڭ باستى ماقساتى حالقىمىزدىڭ ادەبيەتى, تاريحى مەن مادەنيەتىنەن سىر شەرتەتىن كىتاپتاردى الىس-جاقىن شەتەلدەردە تۇراتىن قانداستارعا تابىستاۋ. ەندەشە, «كىتاپ قورىن جينايىق, شەتەلدەگى قانداستارعا سىيلايىق» دەگەن ۇرانمەن بارشاڭىزدى كىتاپ جيناۋ اكتسياسىنا بەلسەنە قاتىسۋعا شاقىرامىن», دەدى «وتانداستار» كەاق پرەزيدەنتى ابزال ساپاربەك ۇلى.
اشىلۋ سالتاناتىنا دەيىن دە قىزىپ جاتقان كىتاپ جارمەڭكەسى ودان كەيىن دە تولاستامادى. قولى جەتكەن اۆتورلاردان وقىرماندار قولتاڭبا الدى. اسىرەسە زەيىندى وقۋشىلارعا قىزىقتى دۇنيەلەر قويىلىپ, كىتاپ اۆتورلارىنا سۇراقتار قويدى. اقىندار ولەڭ وقىسا, جازۋشىلار ونەگەلى ويىن ورتاعا سالدى. ءسويتىپ, تاڭەرتەڭ باستالعان فەستيۆال كەشكە دەيىن كىتاپقۇمار ەلدىڭ كوزايىمىنا اينال.
